नगराध्यक्ष-उपाध्यक्षांची निवडणूक १७ ला

बुलडाणा जिल्ह्यातील दहा नगरपालिकांच्या अध्यक्ष व उपाध्यक्ष पदांच्या निवडणुका १७ जुलै रोजी.

बुलडाणा : जिल्ह्यातील बुलडाणा, खामगाव, शेगाव, मलकापूर, नांदूरा, जळगाव जामोद, चिखली, मेहकर व देऊळगाव राजा येथील नगरपालिकांच्या अध्यक्ष व उपाध्यक्ष पदांच्या निवडणुका १७ जुलै रोजी होत असुन जिल्हाधिकारी किरण कुरूंदकर यांनी आज निवडणुक प्रक्रिया जाहिर केली.
या निवडणुकीसाठी १0 जुलै रोजी सकाळी १0 ते दुपारी २ वाजेपयर्ंत नामनिर्देशनपत्र दाखल करता येतील. ११ जुलै रोजी दुपारी २ ते ५ या वेळेत नामनिर्देशनपत्रांची छाननी होणार असून, त्याच दिवशी सायंकाळी ५ वाजता नामनिर्देशनपत्र वैध ठरलेल्या उमेदवारांची यादी जाहीर करण्यात येणार आहे. १६ जुलै रोजी दुपारी २ वाजेपयर्ंत नामनिर्देशनपत्र मागे घेण्याची मुदत आहे. १७ जुलै रोजी दुपारी २ वाजता आयोजित नगरपालिकांच्या विशेष सभेत निवडणूक लढविणार्‍या उमेदवारांची यादी वाचून दाखविण्यात येणार असून, आवश्यक असल्यास निवडणूक घेण्यात येणार आहे.

*काँग्रेस-राष्ट्रवादी साथसाथ
बुलडाणा गेल्या अडीच वर्षाच्या कार्यकाळात राज्यभरातील विविध नगरपालीकांमध्ये काँग्रेस-राष्ट्रवादीने भाजपा व शिवसेनेसोबत घरोबा करून सत्ता स्थापन केली होती. ही अभ्रद युती आता संपूष्टात आली असुन आज काँग्रेसचे जिल्हाध्यक्ष विजय अंभोरे व राष्ट्रवादीचे नेते आमदार डॉ.राजेंद्र शिंगणे यांनी पत्रक काढून दोन्ही काँग्रेस पालीकांमध्ये सोबत राहतील असे नमूद करून सदस्यांसाठी व्हीप जारी करण्यात येणार असल्याची माहिती दिली आहे. राज्यभरात १९६ पालीकांमध्ये सध्या नगराध्यक्ष निवडणुकींचा कार्यक्रम जाहिर करण्यात आला असुन सध्या सर्वत्र राजकारण तापले आहे. राज्या तील जवळपास २५ पालीकांमध्ये पालीकांमध्ये काँग्रेस व राष्ट्रवादीने एकमेकांना धडा शिकविण्यासाठी सेना भाजपा सोबत सत्ता स्थापन केल्या आहेत. आता बुलडाणा व खामगाव मध्ये आघाडीची सत्ता येण्याचा मार्ग मोकळा झाला आहे.