बुलडाणा : माध्यमिक व उच्च माध्यमिक शिक्षण मंडळातर्फे दहावीचा ऑनलाइन निकाल नुकताच जाहीर झाला. २६ जून रोजी गुणपत्रिका हातात आल्यावर विद्यार्थी व पालकांची अकरावीच्या प्रवेशासाठी धावपळ सुरू होणार आहे. अकरावीच्या प्रवेशासाठी शिक्षण विभाग (माध्यमिक) यांनी वेळापत्रकच तयार केले असून, जिल्ह्यात अकरावीच्या कला, विज्ञान, वाणिज्य, संयुक्त शाखेच्या एकूण २४ हजार २४२ जागा आहेत. बुलडाणा शहरात दरवर्षी नामांकीत अशा महाविद्यालयात विद्यार्थी व पालक प्रवेशासाठी गर्दी करतात. पालकांनी व विद्यार्थ्यांनी केवळ एकाच महाविद्यालयावर विसंबून न राहता दोन ते तीन कनिष्ठ महाविद्यालयांत प्रवेश अर्ज भरावेत, या सोईसाठी शिक्षण विभागाने अकरावी प्रवेशाचे वेळापत्रकच तयार केले आहे. जिल्ह्यातील कला, वाणिज्य व विज्ञान या शाखांमधील ४१२ तुकड्यांमध्ये प्रवेशाचे नियोजन आखण्यात आले असून, आता शहरात विद्यार्थी आणि पालकांचे ह्यमिशन अँडमिशनह्ण सुरू होणार आहे.
** प्रत्येक तुकडीत ८0 विद्यार्थी
नियोजनानुसार प्रत्येक मंजूर तुकडीमध्ये ८0 विद्यार्थी नियमानुसार प्रवेश घेऊ शकणार आहेत. शिक्षण विभाग(माध्यमिक) यांनी तयार केलेल्या अकरावी प्रवेशाच्या नियोजनात कला शाखेसाठी २२४ तुकड्यांमध्ये ११५२१ जागा, विज्ञान शाखेसाठी १३६ तुकड्यांमध्ये ९३१३ जागा, वाणिज्य शाखेत ३३ तुकड्यांमध्ये १७९५ जागा तर संयुक्त शाखेच्या १८ तुकड्यांमध्ये १६१३ जागांसाठी नियोजन शिक्षक विभागाकडून करण्यात आले आहे.
** क्लासेसचे कॉलेजसोबत सेटींग
बारावीच्या परीक्षेवर पुढील भविष्य अवलंबून असल्यामुळे दहावीनंतर थेट बारावीचेच प्लॅनींग केले जाते, त्यामुळे आपल्या पाल्याला कुठल्या क्लासेसमध्ये टाकायचे, हे ठरविले की मग त्या क्लासेसने सांगितलेल्याच विशिष्ट कॉलेजमध्ये ११ वीसाठी प्रवेश घेतला जातो. क्लासेस आणि कॉलेजचे सेटींग असल्यामुळे संबंधित विद्यार्थ्यांना कॉलेजमध्ये जाण्याची गरज भासत नाही. सर्व शिक्षणक्रम हा क्लासेसमध्येच पूर्ण करून घेतला जात असल्याने अशा कॉलेजमध्ये विद्यार्थ्यांची संख्या केवळ पटावरच असते.
** व्यावसायिक अभ्यासक्रमांनाही पसंती
कला, वाणिज्य, विज्ञान शाखांसोबतच तंत्रनिकेतन तसेच औद्योगिक प्रशिक्षण संस्थांमधील विविध ट्रेडसाठीसुद्धा विद्यार्थ्यांची संख्या मोठी आहे. बुलडाण्यात १३ औद्योगिक प्रशिक्षण संस्था असून, यामध्ये असलेल्या विविध ट्रेडमधील विद्यार्थी संख्यांची र्मयादा अद्यापपर्यंत आलेली नाही, अशी माहिती सूत्रांनी दिली. येत्या दोन-तीन दिवसात जागांची मंजुरात आल्यावर २६ जूनपासून प्रवेश प्रक्रिया ऑनलाइन सुरू होणार असल्याची माहिती आहे.