Buldhana Crime News: आपल्या हातातील मोबाईल खरंच सुरक्षित आहे का? त्याचा कोण कसा वापर करेल, याबद्दल चिंता वाढवणारी घटना महाराष्ट्रातील बुलढाणा जिल्ह्यात घडलीये. एका शिक्षिकेचा २७ वर्षीय तरुणाने मोबाईल हॅक केला. त्यातील फोटो आणि माहिती चोरली. अश्लील फोटो बनवले. त्यानंतर शिक्षिकेला ब्लॅकमेल केलं आणि व्हिडीओ कॉलवर थेट नग्न व्हायला लावले. हे इथेच थांबलं नाही, तर त्याने तिच्याकडे शरीरसंबंध ठेवण्याची मागणी करत धमकीही दिली.
ऋषिकेश गिरी (वय २७) असे हे कृत्य करणाऱ्या तरुणाचे नाव आहे. ऋषिकेश याने महिला शिक्षिकेचा मोबाईल बेकायदेशीरपणे हॅक केला. मोबाईलमध्ये शिक्षिकेचे खासगी फोटो आणि व्हिडीओ स्वतःकडे घेतले. शिक्षिकेच्या व्हॉट्सअप चॅट्स, ई-मेल असे सगळे त्याने स्वतःच्या नियंत्रणात घेतले.
शिक्षिकेला म्हणाला, "हे सर्व फोटो आणि व्हिडीओ..."
मोबाईलमधील सगळी माहिती, फोटो आणि व्हिडीओ मिळवल्यानंतर आरोपी ऋषिकेश याने शिक्षिकेशी संपर्क केला. त्यानंतर शिक्षिकेचा मानसिक छळ सुरू झाला.
"तुझे सर्व फोटो आणि व्हिडीओ मी तुझ्या पतीला, नातेवाईकांना पाठवणार आणि तुझी बदनामी करणार", अशी धमकी आरोपीने शिक्षिकेला दिली.
व्हिडीओ कॉलवर विवस्त्र व्हायला लावले
आरोपीने धमकी दिल्यानंतर शिक्षिका घाबरली. तणावाखाली असतानाच आरोपीने तिला वारंवार व्हिडीओ कॉल केले. व्हिडीओ कॉल केल्यानंतर त्याने शिक्षिकेला नग्न व्हायला लावले. हे व्हिडीओ कॉल त्याने रेकॉर्ड केले आणि शिक्षिकेच्या बहिणीलाही पाठवले.
या सगळ्या प्रकाराला शिक्षिका विरोध करू लागली. त्यानंतर आरोपीने थेट शरीरसंबंध ठेवण्याची मागणी केली. 'जर तू माझ्याशी शारीरिक संबंध ठेवले नाहीस, तर तुला आणि तुझ्या मुलाला ठार मारेन", अशी धमकी त्याने दिली.
हा सगळा छळ असह्य झाल्यानंतर शिक्षिकेने सोनाळा पोलीस ठाण्यात धाव घेऊन पोलिसांना सगळा घटनाक्रम सांगितला. या प्रकाराने पोलिसही हादरले. तक्रारीवरून पोलिसांनी भारतीय न्याय संहितेच्या कलम ६७, ७५(१),७५(२),७७,७८,३५२,३५१(२),३५१(३) नुसार गुन्हा दाखल केला. हा प्रकार समोर आल्यानंतर आरोपी ऋषिकेश गिरी हा फरार झाला असून, पोलीस त्याचा शोध घेत आहेत.
Web Summary : A Buldhana teacher was blackmailed after her phone was hacked. The perpetrator forced her to disrobe on video calls, threatened to share explicit photos, and demanded sex, threatening her and her child's life if she refused. Police are searching for the absconding suspect.
Web Summary : बुलढाणा में एक शिक्षिका का फोन हैक कर ब्लैकमेल किया गया। आरोपी ने वीडियो कॉल पर उसे निर्वस्त्र होने को मजबूर किया, अश्लील तस्वीरें साझा करने की धमकी दी और शारीरिक संबंध बनाने की मांग की, इनकार करने पर उसे और उसके बच्चे को जान से मारने की धमकी दी। पुलिस फरार आरोपी की तलाश कर रही है।