नमाज पठण करायचे असेल, तर तुम्ही त्या वेगवेगळ्या शिफ्टमध्ये नमाज अदा करा. प्रेमाने सांगून तर ऐकलं नाही, तर मग दुसरा मार्ग अवलंबा, असा इशारा उत्तर प्रदेशचे मुख्यमंत्री योगी आदित्यनाथ यांनी दिला. सोमवारी ते बोलत होते.
योगी आदित्यनाथ म्हणाले की, "त्या लोकांनी मला सांगितले की, साहेब कसे होईल? आमची संख्या जास्त आहे. आम्ही सांगितले की, शिफ्टमध्ये करा. तुमच्या घरात राहण्यासाठी जागा नाहीये, तर तुम्ही संख्या मर्यादित करा. उगाच संख्या का वाढत आहात. जर तुम्हाला व्यवस्थेसोबत राहायचे असेल, तर नियम आणि कायदे पाळावे लागतील."
कायद्याचेच राज्य असणार
"कायद्याचे राज्य असेल आणि कायद्याच्या राज्यात सर्वांना समान वागणूक मिळेल. नमाज पठण आवश्यक आहे, मग तुम्ही शिफ्टमध्ये नमाज पठण करा. आम्ही ते रोखणार नाही. पण, जर रस्त्यावर नमाज पठण चालणार नाही. रस्ते सर्वसामान्य माणसांना चालण्यासाठी आहेत. एका आजारी माणसासाठी, कामगारासाटी, कर्मचाऱ्यासाठी, व्यापाऱ्यासाठी आम्ही रस्त्यामध्ये अडथळा निर्माण होऊ देणार नाही", योगी आदित्यनाथ म्हणाले.
"आम्ही सगळ्यांना सांगितले आहे की, असे चालणार नाही.रस्त्यावर अराजकता पसरवू देणार नाही. प्रेमाने सांगून ऐकले तर ठीक आहे. ऐकले नाही, तर दुसरा मार्ग अवलंबू. आमचे काम संवाद करणे आहे. पण, संवादाने तुम्ही ऐकणार नसाल, तर संघर्षही होईल. बरेलीमध्ये लोकांनी वापरले आहेत. ताकद दाखवली आहे", असेही आदित्यनाथ म्हणाले.
Web Summary : Uttar Pradesh CM Yogi Adityanath warned against offering Namaz on roads. He suggested shifting Namaz timings or limiting numbers. If requests are ignored, the government will take action, prioritizing public convenience and order.
Web Summary : उत्तर प्रदेश के मुख्यमंत्री योगी आदित्यनाथ ने सड़कों पर नमाज अदा करने के खिलाफ चेतावनी दी। उन्होंने नमाज के समय को बदलने या संख्या सीमित करने का सुझाव दिया। अनुरोधों को अनदेखा करने पर सरकार कार्रवाई करेगी, सार्वजनिक सुविधा और व्यवस्था को प्राथमिकता दी जाएगी।