शिक्षकांना ‘त्या’ कार्यातून मुक्त करा

निवेदनात नमूद केल्याप्रमाणे कोविड-१९ या आजारासंबंधात आवश्यक सेवेसाठी अनेक शाळांमध्ये शिक्षक व शिक्षकेत्तर कर्मचाऱ्यांची नियुक्ती करण्यात आली होती. त्या पातळीवर स्थानिक प्रशासनाने त्या कर्मचाऱ्यांना नियुक्ती संदर्भात अधिग्रहितही केले होते. शाळा प्रत्यक्षपणे सुरू झाल्या नसल्या तरी संदर्भाधीन परिपत्रकांन्वये काही शिक्षकांना शाळेत उपस्थित राहण्याचे आदेश देण्यात आले आहे.

ठळक मुद्देजिल्हाधिकाऱ्यांना निवेदन : भाजप शिक्षक सेलचा पुढाकार

लोकमत न्यूज नेटवर्कभंडारा : जिल्ह्यातील ज्या शिक्षकांची नियुक्ती कोविड-१९ या आजारासंबंधीत करण्यात आली होती, अशा शिक्षकांना या सेवेतून कार्यमुक्त करावे, अशी मागणी आहे. या आशयाचे निवेदन भारतीय जनता पार्टीच्या शिक्षक सेलने जिल्हाधिकाऱ्यांना सोमवारी दिले. या प्रश्नावर शिक्षण वर्तुळात चर्चा रंगली आहे.निवेदनात नमूद केल्याप्रमाणे कोविड-१९ या आजारासंबंधात आवश्यक सेवेसाठी अनेक शाळांमध्ये शिक्षक व शिक्षकेत्तर कर्मचाऱ्यांची नियुक्ती करण्यात आली होती. त्या पातळीवर स्थानिक प्रशासनाने त्या कर्मचाऱ्यांना नियुक्ती संदर्भात अधिग्रहितही केले होते. शाळा प्रत्यक्षपणे सुरू झाल्या नसल्या तरी संदर्भाधीन परिपत्रकांन्वये काही शिक्षकांना शाळेत उपस्थित राहण्याचे आदेश देण्यात आले आहे. तसेच त्या शिक्षकांना शाळेत बोलावून ऑनलाईन शिक्षण प्रक्रियेत उपयोग करून घ्याव्यात, असे निर्देसही दिले आहे. परिणामी त्या प्रक्रियेत शिक्षक व्यस्त आहेत. परिपत्रकातील निर्देशानुसार संबंधित शिक्षणाधिकाऱ्यांनी स्थानिक प्रशासनाशी संपर्क करवून कोविड-१९ च्या कामांसाठी सेवा अधिग्रहित केलेल्या शिक्षण व शिक्षकेत्तर कर्मचाऱ्यांना कार्यमुक्त करण्याची स्पष्ट निर्देश दिले आहे. तसेच या निर्णयाची प्रभावित अंमलबजावणीसाठी जिल्ह्यातील प्राथमिक व माध्यमिक शिक्षणाधिकाऱ्यांनी संबंधित कर्मचाऱ्यांना कार्यमुक्त करण्याच्या कार्यवाहीचे आदेश निर्गमित करावे, असेही आदेशात निर्देशित आहे.त्यामुळे भंडारा जिल्ह्यातील कोविड-१९ च्या कामातून संबंधित शिक्षक व शिक्षकेत्तर कर्मचाऱ्यांना कार्यमुक्त करण्याची मागणी भाजप शिक्षक सेलने निवेदनातून केली आहे. या आशयाचे निवेदन जिल्हाधिकारी यांना देण्यात आले. सदर निवेदन निवासी उपजिल्हाधिकारी शिवराज पडोळे यांनी स्विकारले.निवेदन देताना सेलचे सहसंयोजक डॉ. उल्हास फडके, जिल्हा संयोजक कैलास कुरंजेकर यांच्यासह माधव रामेकर, शशांक चोपकर आदी उपस्थित होते. निवेदनाच्या प्रतीलिपी उपविभागीय अधिकारी भंडारा, जिल्हा परिषदेचे मुख्य कार्यकारी अधिकारी तसेच जिल्हा परिषदेच्या शिक्षणाधिकाऱ्यांना देण्यात आले आहे.