पान ३ किंवा ४
परतवाडा : अचलपूरच्या ३२ वर्षीय युवकाला अज्ञात चार ते पाच युवकांनी परतवाड्यात जबर मारहान केली. यात युवक गंभीर जखमी झाला असून, त्याला अचलपूर उपजिल्हा रुग्णालयातून अमरावतीत उपचारार्थ हलविण्यात आले. ४ फेब्रुवारीला परतवाडा बसस्थानकालगतच्या एका दुकानापुढे ही घटना घडली. तेव्हा चारशे मीटर अंतरावर बजार समितीच्या आवारात गृहमंत्र्यांची एका कार्यक्रमानिमित्त उपस्थिती होती. पोलीस बंदोबस्तासह पोलिसांची वर्दळही बऱ्यापैकी होती.
नईमखान उस्मानखान (३२, रा. बडी संगत अचलपूर) हे त्या चहाच्या दुकानापुढे उभे होते. दरम्यान एका युवकाचा त्याला धक्का लागला. यातून शाब्दिक चकमक उद्भवली. एकमेकांना शिविगाळ झाली. दरम्यान त्या युवकाने आपल्या साथिदारांना बोलावून घेतले. चार ते पाच युवक त्या ठिकाणी हजर झालेत. या अज्ञात युवकांनी नईमखान यांना जबर मारहाण केली. दरम्यान रस्त्याने जात असलेल्या डिबीस्कॉडच्या पोलिसांची नजर त्यांच्याकडे गेली. तेव्हा ते अज्ञात युवक तेथून पळून गेले. वैद्यकीय प्रमाणपत्रानंतर मारहान करणाºया युवकांवर परतवाडा पोलीस गुन्हा दाखल करणार आहेत.