.................
रामनवमी शोभायात्रा समितीच्या वतीने अभिषेक
अकोला : श्री रामनवमी शोभायात्रा समिती व श्री जानकीवल्लभ मातृशक्ती जागरण सत्संग मंडळाच्या वतीने शहरातील सिद्धेश्वर महादेव मंदिरात ४५ परिवारांच्या हस्ते अभिषेक करण्यात आला. यावेळी आमदार गोवर्धन शर्मा विलास अनासने नितीन जोशी अजय जोशी नवीन गुप्ता प्रकाश शेगोकार गीतांजली शेगोकार यांनी अभिषेक पूजा केली......................
..
नजीब शेख
यांची नियुक्ती
अकोला -समाजवादी पक्षाचे अकोल्यातील नेते ॲड. नजीब शेख यांची समाजवादी पक्ष राज्य सचिवपदी नियुक्ती करण्यात आली आहे.
समाजवादी पक्षाचे प्रमुख महासचिव परवेझ सिद्दीकी यांनी ॲड. नजीब शेख यांना पक्षाच्या राज्य कार्यकारिणीमध्ये समाविष्ट करण्याबाबत प्रदेशाध्यक्ष आमदार अबू आझमी यांच्या सोबत चर्चा केल्यानंतर ही नियुक्ती देण्यात आली आहे.
...........................
अण्णा भाऊ साठे शिष्यवृत्ती योजना
अकोला : लोकशाहीर अण्णा भाऊ साठे शिष्यवृत्ती याेजनेसाठी अर्ज मागविले आहेत.
सन २०२०-२१ या शैक्षणिक वर्षात इयत्ता १० वी, १२ वी, पदवी, पदव्युत्तर, वैद्यकीय, अभियांत्रिकी व इतर अभ्यासक्रमामध्ये मातंग समाज व तत्सम १२ पोटजातीतील विद्यार्थी, विद्यार्थिनी यांनी सरासरी ६० टक्के किंवा त्यापेक्षा जास्त टक्केवारी गुण घेऊन उत्तीर्ण झाले असतील अशांना महामंडळाकडून गुणानुक्रमांकानुसार उपलब्ध निधीच्या अधीन राहून शिष्यवृत्ती मंजूर करण्यात येते. महामंडळाचे जिल्हा व्यवस्थापक यांनी तसे पत्र प्रसिद्धीस दिले आहे.
०००००
अतिवृष्टीग्रस्तांना तत्काळ मदत करा
अकोला - अतिवृष्टीमुळे बेघर व नुकसान झालेल्या नागरिकांना तत्काळ मदत करा, अशी मागणी वंचित बहुजन आघाडीने अकोला निवासी उपजिल्हाधिकारी संजय खडसे यांच्याकडे निवेदनाद्वारे केली आहे. यावेळी जिल्हा उपाध्यक्ष महेंद्र डोंगरे, नंदू कोल्हटकर, कुणाल राऊत, चंद्रशेखर नकाशे, संतोष नितोने, कैलास चव्हाण, विनोद साहरे, विनोद सुखदिवे आदी उपस्थित हाेते.
....................