मागील काही दिवसांपासून पुन्हा एकदा काेराेनाबाधित रुग्णांच्या संख्येत वाढ हाेऊ लागली आहे. काेराेनाच्या प्रसाराला आळा घालण्याच्या उद्देशातून शासनाने कठाेर निर्णय घेण्याचे अधिकार जिल्हा प्रशासनाला दिले आहेत. त्या अनुषंगाने अकाेला व बुलडाणा येथील जिल्हाधिकाऱ्यांनी जमावबंदी आदेश लागू केले आहेत. याचा परिणाम आदिवासी विकास विभागातील शासकीय आश्रमशाळा व वसतिगृहांवर हाेऊन शाळा व वसतिगृहांना टाळे लावण्याची वेळ ओढवली आहे. यामुळे अतिदुर्गम व दुर्गम भागातील आदिवासी विद्यार्थ्यांची परवड हाेणार असल्याचे चित्र आहे.
तीन जिल्ह्यातील विद्यार्थ्यांची गैरसाेय
अकाेला,वाशिम व बुलडाणा जिल्ह्यात आदिवासी विकास विभागाचे एकूण १६ वसतिगृह आहेत. अनुदानित आश्रमशाळा १९ असून आठ शासकीय आश्रमशाळा आहेत. मध्यंतरी नववी व बारावीचे वसतिगृहे सुरु करण्यात आली हाेती. जमावबंदी आदेशामुळे पुन्हा एकदा आश्रमशाळा व वसतिगृह बंद केली जाणार असल्याने ग्रामीण भागातील विद्यार्थ्यांची गैरसाेय हाेणार आहे.