जवळे : पारनेर तालुक्यातील कोहोकडी जिल्हा परिषद प्राथमिक शाळेला शिरूर (जि.पुणे) येथील धरमचंद भवरीलाल सराफ ॲन्ड ज्वेलर्स या पेढीचे संचालक धरमचंद फुलफगर यांनी वडील स्व. भवरीलालजी फुलफगर व मातोश्री स्व. कमलाबाई फुलफगर यांच्या स्मरणार्थ एक लाख रुपयांची देणगी दिली आहे.
कोहोकडी शाळेमध्ये विद्यार्थ्यांच्या सर्वांगीण विकासासाठी सुरू असलेल्या कामाची प्रथितयश व्यावसायिक धरमचंद फुलफगर यांनी दखल घेतली. कोहोकडी शाळेतील विद्यार्थ्यांची अडचण लक्षात घेऊन पाण्याची टाकी बांधकामासाठी एक लाख रुपयांचा धनादेश शाळा व्यवस्थापन समितीचे अध्यक्ष संजय झरेकर, मुख्याध्यापक बाळासाहेब फटांगडे यांच्याकडे त्यांनी शिरूर येथे सुपूर्द केला.
यावेळी देवेंद्र फुलफगर, महेंद्र फुलफगर, राळेगण थेरपाळ तंटामुक्ती समितीचे अध्यक्ष पांडुरंग कारखिले, ग्रामपंचायत सदस्य विठ्ठल चौधरी, सोसायटीचे माजी अध्यक्ष दगडू थोरात, संतोष चौधरी, शिक्षक गोकुळ कळमकर आदी उपस्थित होते.
---
१५ कोहकडी
कोहकडी शाळेला शिरूर येथील धरमचंद फुलफगर यांच्याकडून एक लाखाची देणगी देण्यात आले.