बँकेतून काढलेले सहा लाखांचे सोने उडविले

शेतकरी असलेल्या देशमुख यांच्याकडे विवाह समारंभ असल्याने त्यांनी आपले यवतमाळ अर्बन बँकेच्या दिग्रस शाखेतील लॉकरमध्ये असलेले ४७ तोळे सोन्याचे दागिने बुधवारी काढले. हे दागिने त्यांनी बॅगमध्ये ठेऊन ती बॅग आपल्या मोटरसायकलच्या डिक्कीत ठेवली. दरम्यान दिग्रसमधील एका सलून व्यावसायिकाकडे ते लग्नाचे निमंत्रण देण्यासाठी गेले. पत्रिका देऊन पाचच मिनिटात परत आले असता रस्त्यावर उभ्या ठेवलेल्या मोटरसायकलच्या डिक्कीतील सोन्याचे दागिने असलेली बॅग चोरट्याने क्षणाधार्थ उडविली.

ठळक मुद्देचोरटा सीसीटीव्हीत कैद : दागिने कुठेच सुरक्षित राहिले नाहीत

लोकमत न्यूज नेटवर्कयवतमाळ : सोन्याचे दागिने अंगावर घातले तरी चोराची भीती, घरात ठेवले तरी चोराची भीती. म्हणून लोक आता बँकांच्या लॉकरमध्ये दागिने ठेवतात. परंतु चोरटे आता लॉकरमधून दागिने काढणाऱ्यांवरही पाळत ठेऊ लागले आहे. अशाच पाळतीतून एका चोरट्याने सहा लाख रुपये किंमतीचे ४७ तोळे सोन्याचे दागिने हातोहात लंपास केले.ही घटना यवतमाळ जिल्ह्याच्या दिग्रस शहरात बुधवारी १२ फेब्रुवारी रोजी सायंकाळी ६ वाजता भरचौकात घडली. प्रभाकर मोहनराव देशमुख (६१) रा. सिंगद ता. दिग्रस असे यातील फिर्यादीचे नाव आहे. शेतकरी असलेल्या देशमुख यांच्याकडे विवाह समारंभ असल्याने त्यांनी आपले यवतमाळ अर्बन बँकेच्या दिग्रस शाखेतील लॉकरमध्ये असलेले ४७ तोळे सोन्याचे दागिने बुधवारी काढले. हे दागिने त्यांनी बॅगमध्ये ठेऊन ती बॅग आपल्या मोटरसायकलच्या डिक्कीत ठेवली. दरम्यान दिग्रसमधील एका सलून व्यावसायिकाकडे ते लग्नाचे निमंत्रण देण्यासाठी गेले. पत्रिका देऊन पाचच मिनिटात परत आले असता रस्त्यावर उभ्या ठेवलेल्या मोटरसायकलच्या डिक्कीतील सोन्याचे दागिने असलेली बॅग चोरट्याने क्षणाधार्थ उडविली. या दागिन्यांची किंमत पाच लाख ७४ हजार रुपये एवढी सांगितली जाते. त्यांनी घटनेची माहिती दिग्रस पोलिसांना दिली.बँकेतून निघणाऱ्या ग्राहकांवर चोरट्यांची नजरग्राहक बँकेत पैसे टाकायला, काढायला जातो, कुणी ग्राहक दागिने लॉकरमध्ये ठेवण्यासाठी किंवा काढण्यासाठी जातो. अशा ग्राहकांवर चोरट्यांची कायम नजर असते. अनेक बँकांच्या समोर हे चोरटे वेगवेगळ्या निमित्ताने उभे असतात. कधी ते विक्रेते म्हणूनही दिसतात. ग्राहकाच्या हालचालीवरून त्यांच्याकडे कॅश, दागिने हा ऐवज आहे का याचा अंदाज चोरटे बांधतात. खात्री पटताच त्या ग्राहकाचा पाठलाग केला जातो.तपासात चोरटा सीसीटीव्ही कॅमेरात कैद झाला. तो दिग्रसमधील असावा किंवा एखादवेळी लग्न सोहळ्याबाबत माहिती असल्याने सिंगदमधील असण्याची शक्यता आहे.-उदयसिंह चंदेलउपविभागीय पोलीस अधिकारी, दारव्हादागिन्यांचा प्रवास असुरक्षितबँकेतून निघालेल्या ग्राहकाच्या हाती बॅग असेल तर त्याच्या अंगावर तोंडात बिस्कीट खावून थुंकणे, उलटी करणे, तुमच्या अंगावर घाण पडली असे खोटे सांगणे अशी शक्कल लढविली जाते. ग्राहक ते धुण्यासाठी नळावर जाताच चोरटे त्याची बॅग घेऊन पोबारा करतात. बहुतांश बसस्थानकावर असे प्रकार घडतात. दिग्रसमधील या घटनेने आता दागिने लॉकरमध्ये सुरक्षित असले तरी या दागिन्यांचा बँक ते घर किंवा घर ते बँक हा प्रवास सुरक्षित नसल्याचे पुन्हा एकदा सिद्ध केले आहे.