विशाल हळदे / लोकमत, ठाणे हरियाणा येथे नुकत्याच पार पडलेल्या ७४व्या अखिल भारतीय पोलीस क्रीडा बॉडी बिल्डिंग स्पर्धेत ठाणे शहरातील महिला पोलीस उपनिरीक्षक स्नेहा सुनील करणाळे यांनी ५५ किलो वजनी गटात सुवर्णपदकाची कमाई केली. दिनांक २० ते २४ सप्टेंबरदरम्यान झालेल्या या भव्य स्पर्धेत देशभरातून तब्बल २५० खेळाडूंनी सहभाग नोंदविला होता. यामध्ये २७ महिला खेळाडूंचाही समावेश होता.
ठाणे जिल्ह्यातून या स्पर्धेसाठी चार खेळाडूंनी आपले प्रतिनिधित्व केले होते. त्यात तिघे पुरुष तर एकमेव महिला खेळाडू म्हणून स्नेहा करणाळे यांनी सहभागी होऊन सुवर्णपदक पटकावले आहे. विशेष म्हणजे, या उत्कृष्ट कामगिरीच्या जोरावर स्नेहा करणाळे यांची निवड आगामी वर्ल्ड पोलिस गेम्ससाठी झाली आहे. मार्च २०२७ मध्ये ऑस्ट्रेलियातील पर्थ येथे होणाऱ्या या स्पर्धेत त्या भारताचे प्रतिनिधित्व करणार आहेत. ठाणे पोलिस दलातील महिला अधिकारी स्नेहा करणाळे यांच्या या यशामुळे ठाणेकरांचा अभिमान दुणावला आहे.
Web Summary : Thane's PSI Sneha Karnale secured gold in the All India Police Bodybuilding competition in Haryana. She will represent India at the World Police Games in Perth, Australia, in 2027. Her victory brings pride to Thane.
Web Summary : हरियाणा में अखिल भारतीय पुलिस बॉडीबिल्डिंग प्रतियोगिता में ठाणे की पीएसआई स्नेहा करणाळे ने स्वर्ण पदक जीता। वह 2027 में पर्थ, ऑस्ट्रेलिया में विश्व पुलिस खेलों में भारत का प्रतिनिधित्व करेंगी। उनकी जीत से ठाणे को गर्व है।