ठाणे जिल्ह्याचा इयत्ता दहावीचा निकाल ९५.०४ टक्के

Thane SSC Result: महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी - मार्च २०२६ या महिन्यात इयत्ता दहावीची परिक्षा घेण्यात आली होती.

लोकमत न्यूज नेटवर्क
ठाणे : इयत्ता बारावीच्या निकालानंतर यावर्षीचा इयत्ता दहावीचा निकाल शुक्रवारी जाहीर झाला. ठाणे जिल्ह्याचा दहावीचा निकाल ९५.०४ टक्के इतका लागला आहे. गेल्यावर्षी ९५.५७ टक्के इतका लागला होता. गेल्या वर्षी प्रमाणे यंदाही पुन्हा एकदा मुलींनीच बाजी मारली आहे. गेल्यावर्षीपेक्षा निकालात ००.५३ टक्क्यांनी घसरला आहे. 

महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी - मार्च २०२६ या महिन्यात इयत्ता दहावीची परिक्षा घेण्यात आली होती. बहुप्रतिक्षेत असलेला दहावीचा निकाल अखेर शुक्रवारी जाहीर झाला आणि उत्तीर्ण विद्यार्थ्यांनी एकच जल्लोष केला. कुठे हासू होते तर कुठे अश्रू होते. ज्यांना अपेक्षेप्रमाणे टक्के मिळाले नाही ते मात्र नाराज झाले होते. ज्यांना अपेक्षेपेक्षा जास्त टक्के मिळाले त्यांच्या चेहऱ्यावर आनंदाश्रू ओसांडून वाहत होते. ठाणे जिल्ह्यातून १११३२२ इतके विद्यार्थी परिक्षेला बसले होते. त्यात १०५४०८ विद्यार्थी उत्तीर्ण झाले. दुपारी एक वाजता ऑनलाईन निकाल जाहीर झाला त्यामुळे इंटरनेटवर सर्वांनी निकाल पहिला. सायबर कॅफे, घरी, मोबाईल, संगणकवर विद्यार्थ्यांनी आपला निकाल पाहण्यासाठी आधार घेतला आणि उत्तीर्ण झालेल्या विद्यार्थ्यांनी एकच जल्लोष केला.