लोकमत न्यूज नेटवर्क
ठाणे : राज्य परिवहन सेवेतील (एसटी) वाहन परिक्षकांसह चालक आणि वाहक अशा तब्बल ४३ कर्मचाºयांना कोरोनाची लागण झाल्याची बाब समोर आल्यामुळे कर्मचाºयांच्या मागणीनंतर ठाण्याचे जिल्हाधिकारी राजेश नार्वेकर यांनी खोपट येथील एसटी डेपो क्रमांक एक हा सील करण्याचे आदेश दिले. त्यामुळे ७ आणि ८ जुलै रोजी हा डेपो संपूर्णपणे बंद राहणार असून या काळात याठिकाणी निर्जंतूकीकरण केले जाणार असल्याची माहिती सूत्रांनी दिली.
सार्वजनिक उपक्रमातील बससेवा बंद असल्यामुळे अत्यावश्यक सेवेतील कर्मचाºयांच्या वाहतूकीसाठी ठाण्यातील खोपट एसटी बस डेपो क्र मांक एक येथून या सेवेतील प्रवाशांची वाहतूक करण्यात येत होती. यातूनच अनेक कर्मचाºयांना कोरोनाची लागण झाली. डेपोतील विश्रांती कक्षातील अपुºया जागेमुळे सामाजिक अंतराचे पालन होणेही शक्य नव्हते. त्यामुळेच डेपो बंद ठेवून निर्जंतुकिकरण करण्याची मागणी कर्मचाºयांनी केली होती. त्याच पार्श्वभूमीवर मंगळवार आणि बुधवार डेपो बंद ठेवण्यात येणार आहे. कर्मचाºयांच्या अनुपस्थितीमुळे अत्यावश्यक सेवेतील वाहतूकीवर परिणाम होण्याचीही शक्यता व्यक्त होत आहे. खोपट येथील एसटीच्या या डेपामधून अत्यावश्यक सेवेतील कर्मचाºयांसाठी कल्याण, डोंबिवली, बदलापूर, दादर, मंत्रालय सीएसटी या भागांतील रुग्णालय तसेच इतर महत्वाच्या शासकीय कार्यालयांमध्ये जाणाºया प्रवाशांसाठी सेवा देण्याचे काम करीत आहे. आता या कर्मचाºयांनाही मोठया प्रमाणात कोरोनाची लागण झाल्याने भीतीचे वातावरण आहे. त्यामुळे हा डेपो सील करण्याची मागणी कर्मचाºयांकडून करण्यात आली. मात्र, एस.टी.प्रशासनाकडून कोणतीही ठोस पावले उचलण्यात आली नाही. ठाणे जिल्हा इंटकचे अध्यक्ष सचिन शिंदे यांनी जिल्हाधिकारी राजेश नार्वेकर यांच्या निदर्शनास ही बाब आणून दिल्यानंतर हा डेपो सील करण्याबाबत सकारात्मक भूमिका घेतली. त्यानुसार आता ७ आणि ८ जुलै रोजी हा डेपो बंद ठेवण्यात आला आहे. या दोन दिवसाच्या काळात संपूर्ण डेपोचे निर्जंतुकीकरण करण्यात येणार असल्याची माहिती एसटीच्या ठाणे विभागीय कार्यालयाने दिली.
‘‘ या डेपोतून प्रतिदिन सकाळी ४० तर दुपारी ४० अशा ८० अत्यावश्यक सेवेतील कर्मचा-यांसाठी बसेस सोडण्यात येत होत्या. या कर्मचा-यांची गैरसोय टाळण्यासाठी खोपट बस डेपो क्र मांक दोन आणि इतर ठिकाणांहून किमान ४० बसेस सोरण्यावर भर देण्यात येणार आहे. ’’
विनोद भालेराव, विभागीय नियंत्रक, ठाणे एसटी.