सोलापूर : उजनी ते सोलापूर या जलवाहिनीवरील विविध गळत्या बंद करण्यासाठी येत्या रविवारी शटडाऊन घेण्यात येणार आहे़ सकाळी १० वाजल्यापासून काम संपेपर्यंत या जलवाहिनीतून पाणी उपसा होणार नसल्यामुळे शहरातील पाणीपुरवठा विस्कळीत होणार आहे़ या जलवाहिनीला लांबोटीलगत सीना नदीलगत, चिखली पेट्रोल पंपाजवळ व अन्य ठिकाणच्या गळत्या रविवारी दुरुस्त केल्या जाणार आहेत़ यामुळे तीन ते चार दिवसांपर्यंत पाणीपुरवठा उशिरा, कमी दाबाने, कमी वेळ होणार आहे़ यामुळे विजापूर रोड, होटगी रोड, शेळगी, दहिटणे, भवानीपेठ, दयानंद, कस्तुरबा टाकी, विडी घरकूल,अक्कलकोट रोड, कुमठा नाका परिसरातील पाणीपुरवठा उशिरा, कमी दाबाने, कमी वेळ होणार आहे़ यामुळे बाळे, केगाव, अवंतीनगर, निराळे वस्ती, मुरारजी पेठ, अभिषेकनगर, उमानगरी, काळी मस्जिद, पत्रा तालीम, साठे चाळ, मोटे वस्ती, शेटे वस्ती, दमाणीनगर, विष्णू मिल, डोणगाव रोड, सेटलमेंट शहा नगर, इंदिरानगर, विजापूर रोड, रामलिंगनगर, माशाळ वस्ती आदी भागातील पाणीपुरवठा विस्कळीत होणार आहे़