सातारा : हेदवली (ता. जावळी) येथील संजय शिंदे यांच्या शेतजमिनीमध्ये असलेल्या ट्रान्सफार्मरमधील तब्बल ९० किलो तांब्याची तार चोरीला गेली एवढेच नव्हे तर अज्ञाताने १८० लीटर ऑईल जमिनीवर सांडून ट्रान्सफार्मरची तोडफोड करून नुकसान केले. याप्रकरणी अज्ञातावर मेढा पोलीस ठाण्यात गुन्हा दाखल करण्यात आला आहे.
याबाबत वायरमन विलास शिवराम गुंजाळे (वय ४८, रा. आखाडे, ता. जावळी) यांनी मेढा पोलीस ठाण्यात फिर्याद दिली आहे. अज्ञातानी ट्रान्सफार्मरचे मोठे नुकसान केले आहे. शिवाय १८० लीटर ऑईल जमिनीवर सांडून मोठे नुकसान केले. हा प्रकार उघडकीला आल्यानंतर वायरमन गुंजाळे यांनी तत्काळ मेढा पोलीस ठाण्यात याविषयी तक्रार दिली.
दरम्यान, अशाप्रकारे वारंवार ट्रान्सफार्मरचे नुकसान केल्याच्या घटना यापूर्वीही घडल्या आहेत. त्यामुळे महावितरण कंपनीला मोठा आर्थिक तोटा सहन करावा लागत आहे.