सांगली: महापालिकेच्या निवडणुकीत राष्ट्रवादी काँग्रेस (अजित पवार )ने चांगली कामगिरी केली आहे. आता भाजपबरोबर महायुती म्हणून सत्तेत जायचे की विरोधी बाकावर बसायचे ? याबाबतचा निर्णय घेण्याचे सर्वाधिकार पक्षाचे अध्यक्ष, उपमुख्यमंत्री अजित पवार यांना देण्याचा निर्णय नूतन नगरसेवक व स्थानिक नेत्यांनी रविवारी घेतला.
राष्ट्रवादी काँग्रेसचे शहर जिल्हाध्यक्ष पद्माकर जगदाळे यांच्या निवासस्थानी नूतन नगरसेवकांचा सत्कार माजी खा. संजय पाटील, आमदार इद्रिस नायकवडी व शहर जिल्हाध्यक्ष जगदाळे यांच्या हस्ते करण्यात आला. यावेळी माजी महापौर किशोर जामदार, माजी महापौर मैनुद्दीन बागवान, आझम काझी, गजानन मगदूम, अतहर नायकवडी, दिग्विजय सूर्यवंशी, विष्णू माने, करण जामदार, अभिजित भोसले, नसीमा शेख आदींसह सर्व नगरसेवक उपस्थित होते.
माजी खा. संजय पाटील यांनी सर्व कार्यकर्ते व राष्ट्रवादीच्या पदाधिकाऱ्यांनी चांगली कामगिरी केल्यामुळे अपेक्षित यश मिळवता आले असल्याचे मत व्यक्त केले. आ. नायकवडी यांनी राष्ट्रवादीच्या नगरसेवकांनी भविष्यात चांगली कामगिरी करून जनतेच्या समस्या सोडवाव्यात, अशा सूचना दिल्या. तर शहर जिल्हाध्यक्ष पद्माकर जगदाळे यांनी महापालिकेच्या सत्तेत महायुती की विरोधात म्हणून जायचा निर्णय घेण्याचे सर्वाधिकार पक्षाचे अध्यक्ष, उपमुख्यमंत्री अजित पवार यांना देऊ, असे सांगितले. याला सर्वांनी होकार दिला.
यावेळी, युवक अध्यक्ष आकाश माने, कार्याध्यक्ष जयंत जाधव, अल्पसंख्याक शहर जिल्हाध्यक्ष तोहीद शेख, शहर जिल्हा उपाध्यक्ष सरफराज कच्छी, सांगली शहर युवक अध्यक्ष तोहीद फकीर, मिरज शहर युवक अध्यक्ष अतुल भिसे आदींसह कार्यकर्ते उपस्थित होते.
Web Summary : Newly elected NCP corporators in Sangli authorize Ajit Pawar to decide whether to join the ruling coalition with BJP or sit in opposition. Leaders emphasized public service.
Web Summary : सांगली में नवनिर्वाचित एनसीपी पार्षदों ने अजित पवार को भाजपा के साथ सत्तारूढ़ गठबंधन में शामिल होने या विपक्ष में बैठने का फैसला करने का अधिकार दिया। नेताओं ने जनसेवा पर जोर दिया।