सफाई करणाऱ्या कर्मचाऱ्याने खोलीचा दरवाजा उघडला, तेव्हा त्याला दरदरून घाम फुटला. खोलीमध्ये एका तरुणीचा नग्नावस्थेत असलेला मृतदेह रक्ताच्या थारोळ्यात पडलेला होता. ही घटना समोर आल्यानंतर माणगाव तालुक्यात खळबळ उडाली. लोणेरे येथील ओमकार लॉजमध्ये ही घटना घडली असून, पोलिसांनी तपास सुरू केला आहे.
मुंबई-गोवा महामार्गावर लोणेरे येथे ओमकार लॉज आहे. एक तरुण आणि तरुणी येथे आले होते. त्यांनी रुम भाड्याने घेतली. सोमवारी दुपारी तरुणी अचानक निघून गेला. त्यानंतर सफाई कर्मचारी खोली साफ करण्यासाठी गेला होता. त्याने खोली उघडल्यानंतर ही घटना समोर आली.
पोलिसांनी दिलेल्या माहितीनुसार, तरुणीचा मृतदेह रक्तबंबाळ अवस्थेत आढळून आला. तिच्यासोबत असलेल्या तरुणाने हत्या केली असावी, असा पोलिसांचा प्राथमिक अंदाज आहे. पोलिसांनी मृतदेह शवविच्छेदनासाठी पाठवला असून, गुन्ह्याचा तपास सुरू केला आहे.
मिळालेल्या माहितीनुसार, हत्या करण्यात आलेली तरुणी ही माणगाव तालुक्यातील वडगाव येथील आहे. तिचे एका तरुणासोबत प्रेमसंबंध होते. त्याच्यासोबतच ती या लॉजमध्ये आली होती. दोघेही लॉजमध्ये राहिले. मात्र, घटना उघडीस येण्यापूर्वीच तरुण फरार झाला. दोघांमध्ये काय घडले आणि तो तरुण कोण आहे? याचा तपास पोलीस करत आहेत.
Web Summary : A young woman was found dead, unclothed and in a pool of blood, at a lodge in Raigad. Police suspect she was murdered by a man who accompanied her. The investigation is underway.
Web Summary : रायगढ़ के एक लॉज में एक युवती नग्न अवस्था में खून से लथपथ मृत पाई गई। पुलिस को संदेह है कि उसकी हत्या उसके साथ आए एक आदमी ने की थी। जांच जारी है।