पुणे: मित्र व नातेवाईक उत्पादन शुल्क विभागात (एक्साईज) अधिकारी आहेत. मी अनेक लोकांना मद्य विक्रीचा परवाना मिळवून दिला आहे. तुम्हाला देखील बारसाठी आवश्यक असलेला एफएल-३ चा परवाना काढून देतो, असे सांगून दोघांनी एका व्यक्तीची २७ लाख ६८ हजारांची फसवणूक केली.
याप्रकरणी खडकी पोलिसांनी जॉन जोसेफ त्रिभुवन (वय. ५३, रा. कॅम्प), ज्ञानेश्वर मावडीकर (वय. ६२, रा. बालाजीनगर, कात्रज) या दोघांविरोधात गुन्हा दाखल केला आहे. याबाबत दिलीप माणिकराव वेदपाठक (वय ६५, रा. बोपोडी) यांनी फिर्याद दिली आहे.
फिर्यादी आणि आरोपींचा परिचय झाल्यानंतर जॉन आणि मावडीकर या दोघांनी आपले नातेवाईक, मित्र एक्साईजमध्ये अधिकारी आहेत, अशी बतावणी केली. फिर्यादीला मद्य विक्रीचा आवश्यक असलेला परवाना स्वस्त दरात मिळवून देतो असे प्रलोभन दाखवले. यानंतर परवान्यासाठी आवश्यक असलेली कागदपत्रे तयार करण्याचे कारण सांगून वेळोवेळी रोख आणि ऑनलाइन स्वरूपात तसेच धनादेशाद्वारे एकूण २७ लाख ६८ हजार रुपये घेतले. दरम्यान, आपली फसवणूक झाल्याचे लक्षात येताच फिर्यादींनी याबाबत पोलिसात तक्रार दिली होती. त्यानुसार खडकी पोलिसांनी दोघांविरोधात गुन्हा दाखल केला आहे.
Web Summary : Two individuals defrauded a man of ₹27.68 lakhs promising a bar license (FL-3). They falsely claimed excise official connections, taking money for paperwork. Police have registered a case against the accused in Khadki.
Web Summary : बार लाइसेंस (एफएल-3) का वादा करके दो लोगों ने एक व्यक्ति को ₹27.68 लाख का चूना लगाया। उन्होंने झूठा दावा किया कि उनके आबकारी अधिकारियों से संबंध हैं और कागजी कार्रवाई के लिए पैसे लिए। खड़की पुलिस ने आरोपियों के खिलाफ मामला दर्ज कर लिया है।