पुणे : महापालिका निवडणुकीसाठी आचारसंहिता लागल्यानंतर राजकीय घडामोडींना वेग आला आहे. बंडखोरी रोखण्यासाठी सर्वच पक्ष उमेदवारी यादी उशिरा जाहीर करणार आहेत. राष्ट्रवादी काँग्रेस अजित पवार गटाचे अध्यक्ष आणि उपमुख्यमंत्री अजित पवार यांनी दिवसभर बारामती होस्टेलमध्ये पिंपरी चिंचवडमधील पदाधिकाऱ्यांशी चर्चा करून प्रभागनिहाय आढावा घेतला. यावेळी पिंपरी चिंचवड येथील राष्ट्रवादी काँग्रेस शरदचंद्र पवार पक्षाच्या शहराध्यक्षांनी अजित पवार यांची भेट घेतली. त्यामुळे पिंपरी चिंचवडमध्ये दोन्ही राष्ट्रवादी एकत्र येण्याच्या हालचालींना वेग आला आहे.
महापालिका निवडणूक जाहीर झाल्यानंतरच पक्षांतराला सुरुवात झाली आहे. राष्ट्रवादी काँग्रेस शरदचंद्र पवार पक्षाच्या माजी नगरसेविका रेखा टिंगरे यांनी राष्ट्रवादी काँग्रेस अजित पवार गटामध्ये प्रवेश केला आहे. पिंपरी चिंचवडमधील अनेक माजी नगरसेवकांनी राष्ट्रवादी काँग्रेस अजित पवार गटांमध्ये मंगळवारी प्रवेश केला. पुणे शहरातील काँग्रेसमधील इच्छुकांच्या मुलाखती आज (बुधवार) पासून सुरू होणार आहेत. या मुलाखती दोन दिवस सुरू राहणार आहेत. राष्ट्रवादी काँग्रेस शरदचंद्र पवार पक्षाच्या इच्छुकांच्या मुलाखती उद्या गुरुवारी म्हणजेच १८ डिसेंबरला होणार आहेत.
Web Summary : Following PMC election announcement, political activity accelerates. Parties delay candidate lists to prevent rebellion. Ajit Pawar reviewed Pimpri Chinchwad, hinting at NCP unity. Cross-party movement begins, with former corporators joining Ajit Pawar's faction. Congress interviews start today; Pawar's NCP interviews tomorrow.
Web Summary : पीएमसी चुनाव घोषणा के बाद, राजनीतिक गतिविधियाँ तेज़ हो गई हैं। विद्रोह को रोकने के लिए पार्टियाँ उम्मीदवार सूची में देरी कर रही हैं। अजित पवार ने पिंपरी चिंचवड की समीक्षा की, जिससे एनसीपी एकता का संकेत मिलता है। दल-बदल शुरू, पूर्व पार्षद अजित पवार गुट में शामिल। कांग्रेस साक्षात्कार आज से; पवार की एनसीपी साक्षात्कार कल।