पुणे : ब्युटी पार्लरमध्ये काम करणाऱ्या तरुणीचा गळा आवळून खून केल्याची धक्कादायक घटना उघडकीस आली. तरुणीचा मृतदेह रस्त्याच्या कडेला टाकून आरोपी पसार झाला. या प्रकरणी मुंढवा पोलिसांनी गुन्हा दाखल केला. आफरीन सलीम पठाण (वय २९, सध्या रा. वडगाव शेरी) असे खून झालेल्या तरुणीचे नाव आहे.
याबाबत आफरीनची लहान बहीण अरबिना सय्यद (वय २४, सध्या रा. वडगाव शेरी, मूळ रा. खुडुसवाडा, चिंचघर, जि. पालघर) हिने फिर्याद दिली आहे. पोलिसांनी दिलेल्या माहितीनुसार, आफरीन हिचा ब्युटी पार्लरचा व्यवसाय आहे. महिला ग्राहकांनी तिच्याशी संपर्क साधल्यानंतर ती घरी जाऊन ब्युटी पार्लरविषयक कामे करत असे. मंगळवारी (दि. ५) सायंकाळी ती एका महिला ग्राहकाकडे कामाला गेली होती. त्यानंतर तिचा मृतदेह मुंढव्यातील केशवनगर परिसरातील कचरा डेपोजवळ असलेल्या रस्त्यावर सापडला. नागरिकांनी याबाबतची माहिती पोलिसांनी दिली. पोलिसांनी घटनास्थळी भेट दिली. सुरुवातीला पोलिसांना अपघाताची घटना वाडली. वाहनाने तिला धडक दिल्यानंतर तिचा मृत्यू झाल्याची शक्यता व्यक्त करण्यात आली.
त्यानंतर तिचा मृतदेह शवविच्छेदनासाठी ससून रुग्णालयात पाठवण्यात आला. शवविच्छेदन अहवालात तरुणीचा गळा दाबून खून केल्याचे उघडकीस आले. पाेलिसांनी घटनास्थळाची पाहणी केली. केशवनगर कचरा डेपोजवळ असलेल्या रस्त्यावर सीसीटीव्ही कॅमेरे नाहीत. पोलिसांकडून आरोपीचा शोध घेण्यात येत आहे. पुढील तपास पोलिस निरीक्षक सागर गोडे करत आहेत.
Web Summary : A beautician in Pune was found murdered, strangled, and her body dumped near a garbage depot in Keshavnagar. Police are investigating after finding no CCTV and the accused is absconding.
Web Summary : पुणे में एक ब्यूटीशियन की गला घोंटकर हत्या कर दी गई और केशव नगर में कचरा डिपो के पास उसका शव फेंक दिया गया। पुलिस मामले की जांच कर रही है, सीसीटीवी नहीं मिला और आरोपी फरार है।