कोणत्याही ट्रेनमध्ये सहजपणे लोअर बर्थ कसा मिळेल? IRCTCनेच सांगितली खास ट्रिक, तुम्ही वापरली का?

1 / 12

Indian Railway Lower Berth Special Trick: अगदी साधी ट्रेन असो वा प्रिमियम ट्रेन, कितीही वेळेत तिकीट काढले तरी आपल्याला हवी ती जागा मिळतेच असे नाही. लोअर बर्थबाबत तर अनेकदा असे घडते. आपल्यासह कुटुंबातील ज्येष्ठ व्यक्ती प्रवास करणार असेल आणि अगदी वेळेवर तिकीट काढायला बसले, तरी लोअर बर्थ मिळतोच असे नाही.

2 / 12

लोअर बर्थ न मिळण्याबाबत अनेक प्रवासी तक्रार करत असतात. बरेचदा सहप्रवाशांना विनंती करून लोअर बर्थ घेतला जातो. परंतु, यावरून वादही झालेले पाहायला मिळाले आहेत. त्यात प्रवास केवळ रात्रीचा असेल, तर अडचणी वाढतात.

3 / 12

यातच लोअर बर्थ सहजपणे मिळण्याबाबत IRCTCनेच एक खास ट्रिक सांगितली आहे. स्लीपर वंदे भारत ट्रेन असो, राजधानी एक्स्प्रेस असो किंवा अगदी साधी एक्स्प्रेस ट्रेन असो, लोअर बर्थ मिळण्याची ही ट्रिक वापरता येऊ शकते. तुम्ही ही ट्रिक कधी वापरून पाहिली का?

4 / 12

लोक अनेकदा आरोग्याच्या कारणास्तव किंवा आरामासाठी लोअर बर्थला प्राधान्य देतात. अनेकदा वेळेवर ट्रेनचे तिकीट बुक करूनही लोअर बर्थ मिळत नाही. भारतीय रेल्वे ज्येष्ठ नागरिकांसाठी लोअर बर्थला प्राधान्य देते. पण तरीही अनेकवेळा लोअर बर्थ न मिळाल्याने गैरसोय होते.

5 / 12

जर तुम्ही तुमच्या कुटुंबातील एखाद्या ज्येष्ठ नागरिकासाठी तिकीट बुक करत असाल, तर तुम्ही IRCTC ने दिलेल्या पद्धतीचा वापर करून सहजपणे लोअर बर्थ बुक करू शकता. चला तर मग, ती पद्धत कोणती आहे ते जाणून घेऊया...

6 / 12

अलीकडेच, एका सोशल मीडिया वापरकर्त्याने IRCTCला लोअर बर्थ आणि ज्येष्ठ नागरिक तिकिटांबद्दल विचारले. आयआरसीटीसीने प्रतिसाद दिला आणि लोअर बर्थचे वाटप कसे केले जाते हे स्पष्ट केले.

7 / 12

IRCTCने आपल्या अधिकृत वेबसाइटवर म्हटले आहे की, तुम्ही ज्येष्ठ नागरिक कोट्याअंतर्गत तिकीट बुक करून लोअर बर्थ मिळवू शकता. तुम्ही सर्वसाधारण कोट्याअंतर्गतही लोअर बर्थला प्राधान्य देऊ शकता, परंतु बर्थचे वाटप जागेच्या उपलब्धतेवर अवलंबून असते.

8 / 12

तुम्ही ज्येष्ठ नागरिक तिकीट बुक केले, तर तुम्ही 'आरक्षण पर्याय' (Reservation Choices) अंतर्गत 'लोअर बर्थ मिळाल्यासच बुक करा' (Book only if lower berth is allotted) हा पर्याय निवडू शकता.

9 / 12

IRCTCने असेही सांगितले की, जनरल कोट्यामधील लोअर बर्थचे वाटप पूर्णपणे उपलब्धतेवर आधारित आहे . त्यात कोणताही मानवी हस्तक्षेप नसतो. बुकिंग करताना तुम्हाला लोअर बर्थ न मिळाल्यास, तुम्ही प्रवासादरम्यान ड्युटीवर असलेल्या कोच टीटीईशी संपर्क साधू शकता. गरजू प्रवाशांना ते नक्कीच मदत करू शकतात. तसे अधिकार त्यांच्याकडे असतात.

10 / 12

ट्रेनचे तिकीट बुक करण्यासाठी, सर्वप्रथम IRCTC वेबसाइट किंवा ॲपवर एक खाते तयार करा. तुमचे खाते आधीपासूनच असल्यास लॉग इन करा. त्यानंतर, From आणि To स्थानके, प्रवासाच्या तारखा टाका आणि ट्रेन शोधा. तुमच्या पसंतीची ट्रेन आणि क्लास निवडा.

11 / 12

सीटची उपलब्धता तपासल्यानंतर, Book Now वर क्लिक करा आणि प्रवाशाचा तपशील जसे की नाव, वय आणि अन्य माहिती प्रविष्ट करा. तुम्हाला लोअर बर्थ हवा असेल, तर तुम्ही Preferences मध्ये जाऊन Reservation Choices मध्ये Book only if lower berth allotted हा पर्याय निवडू शकता.

12 / 12

त्यानंतर, UPI, कार्ड किंवा नेट बँकिंग वापरून पेमेंट करा. पेमेंट यशस्वी झाल्यावर, तिकीट कन्फर्म होते आणि तुम्हाला ते SMS किंवा ईमेलद्वारे मिळते.