गिनीज बुकमध्ये नोंद झालेल्या जगातील सर्वात खोल स्विमिंग पुलामध्ये वसलंय अख्ख शहर, पाहा फोटोज...

Deep Dive Dubai: दुबईमधील डीप डाइव्ह दुबई नावाचा स्विमिंग पूल 60 मीटर खोल असून, या पुलाचे नाव गिनीज वर्ल्ड रिकॉर्डमध्ये दाखल आहे.

जगात अनेक ठिकाणी विविध आकाराचे आणि लहान-मोठे स्विमिंग पूल आहेत. पण, जगातील सर्वात खोल स्विमिंग पूल दुबईमध्ये आहे. या स्विमिंग पुलाची खास बाब म्हणजे, या स्विमिंग पुलाच्या तळाशी एक अख्ख शहर वसलेलं आहे.

या जगातील सर्वात खोल स्विमिंग पुलाच्या तळाशी जुन्या कार, एक अपार्टमेंट, एक एक्सरसाइज बाइक आणि इतर बऱ्याच गोष्टी आहेत. चला तर मग जाणून घेउया या स्विमिंग पुलाबद्दल

मिररच्या रिपोर्टनुसार, दुबईमधील डीप डाइव्ह दुबई नावाचा स्विमिंग पूल 60 मीटर खोल असून, या पुलाचे नाव गिनीज वर्ल्ड रिकॉर्डमध्ये दाखल आहे.

मागच्याच आठवड्यात टिकटॉक यूजर अब्दुल्ला अलसेनामीने या पुलाच्या आतील काही फोटो सोशल मीडियावर पोस्ट केले आहेत. तसेच, एका व्हिडिओ सीरिजच्या माध्यमातून पुलाच्या आतील दृष्य दाखवले आहे.

अब्दुल्ला आणि त्याची टीम जेव्हा स्विमिंग पुलाच्या आत गेले, तेवहा पुलात विविध वस्तु दिसल्या. यात जुन्या कार, एटीएम मशीन, खेळण्यासाठी काही गेम्स आणि एक घरदेखील आहे.

पुलाच्या आत असलेल्या इमारतीवर काही खिडक्याही लावलेल्या आहेत. एका क्लिपद्वारे एक व्यक्ती स्पिन बाइकचा वापर करत असलेला दिसत आहे.

या पुलातील अपार्टमेंटच्या आत विजिटर्ससाठी एक 'बाथरूम'देखील आहे. मिळालेल्या माहितीनुसार, डीप डाइव्ह दुबईमध्ये 14 मिलियन लीटर पाणी आहे.

दुबईतील या पुलाला या वर्षी जून महिन्यात सुरू करण्यात आले असून, गिनीज बुक ऑफ वर्ल्ड रिकॉर्ड्समध्ये या पुलाची नोंद आहे.

गिनीज बुकच्या वेबसाइटनुसार, पुलामध्ये आवाज आणि मूड लायटिंग सिस्टीमसोबतच एक फिल्टरेशन सिस्टीमदेखील आहे.

ही सिस्टीम अमेरिकेतील NASA ने विकसित केलेली टेक्नीक आहे. या प्रचंड मोठ्या स्विमिंग पुलमध्ये स्कूबा डायविंग आणि फ्री डायविंगदेखील करता येते.