Corona Virus : कोरोना हरणार, देश जिंकणार! आता व्हायरस आहे की नाही हे 10 मिनिटांत फेस मास्क सांगणार
By ऑनलाइन लोकमत | Published: September 21, 2022 03:58 PM2022-09-21T15:58:21+5:302022-09-21T16:14:33+5:30
Corona Virus : कोरोना संसर्गाची प्रकरणे कमी होताच अचानक ते पुन्हा वाढतात. अशा परिस्थितीत कोरोनाचा धोका आपल्यासाठी कायम आहे.
जगभरात कोरोनाचा कहर पाहायला मिळत आहे. कोरोना व्हायरस येऊन आता तीन वर्ष झाले आहेत. पण अजुनही हा आजार संपण्याचं नाव घेत नाही आहे. हा आजार कधी दूर होईल हे कोणालाच माहीत नाही. संसर्गाची प्रकरणे कमी होताच अचानक ते पुन्हा वाढतात. अशा परिस्थितीत कोरोनाचा धोका आपल्यासाठी कायम आहे.
कोरोना टाळण्यासाठी आता संशोधकांनी एक अप्रतिम फेस मास्क बनवला आहे. हा फेस मास्क श्वासोच्छवासातून व्हायरस म्हणजेच कोरोना हा काही वेळातच शोधण्यात सक्षम आहे. मिंटमध्ये प्रसिद्ध झालेल्या वृत्तानुसार, हा अत्यंत संवेदनशील मास्क तुमच्या मोबाईलवर 10 मिनिटांच्या आत अलर्ट पाठवेल की तुम्ही जिथे आहात तिथे कोरोना व्हायरस आहे.
जेव्हा तुम्ही फेस मास्क घालून बाहेर जाता तेव्हा मास्क हवेतील व्हायरसचे ड्रॉपलेट डिटेक्ट करेल. त्यानंतर तुमच्या मोबाईलवर अलर्ट येईल की इथे व्हायरस आहे, त्यामुळे सतर्क राहा. जर एखादी संक्रमित व्यक्ती बोलत असेल किंवा खोकत असेल किंवा शिंकत असेल तर, कोविड-19 आणि H1N1 इन्फ्लूएंझा कारणीभूत असलेल्या एरोसोल हवेत मिसळतात.
एरोसोल किंवा ड्रॉपलेटमध्ये असलेले व्हायरसयुक्त अणू आजूबाजूच्या वातावरणात दीर्घकाळ राहतात. शांघाय टोंगजी विद्यापीठातील साहित्य विज्ञानाचे प्राध्यापक यिन फेंग म्हणाले की, मागील संशोधनात असे दिसून आले होते की फेस मास्क घातल्याने आजाराचा प्रसार होण्याचा धोका कमी होतो.
मास्कचा फायदा होत असेल्याने आम्हाला असा एक मास्क तयार करायचा होता जो हवेतील व्हायरसची उपस्थिती ओळखू शकेल आणि घालणार्‍याला सतर्क करू शकेल. ते म्हणाले की खरे तर आमचा मास्क अधिक चांगले काम करू शकतो. अगदी कमी व्हेटिलेशन असले तरीही ते कार्य करेल.
लिफ्ट आणि बंद खोल्यांसारख्या ठिकाणी व्हायरसचा संसर्ग होण्याचा धोका जास्त असतो. हा मास्क तेथेही व्हायरस ओळखेल. या मास्कमध्ये एक छोटा सेन्सर आहे जो व्हायरस आढळल्याबरोबर मोबाईलला सिग्नल पाठवू शकतो. संशोधकांच्या टीमचे पुढील लक्ष्य हे आहे की या मास्कमधील पॉलिमर आणि ट्रान्झिस्टरची रचना आणि संवेदनाक्षमता हे आहे जेणेकरून व्हायरस शोधण्यात कमी वेळ लागेल.
कर्करोग आणि हृदय व रक्तवाहिन्यासंबंधी रोगांवर उपचार करण्यासाठी परिधान करण्यायोग्य वैद्यकीय उपकरणे विकसित करण्यात येत आहेत. संशोधकांनी एक लहान सेन्सर बनवण्यासाठी अप्टामर्सचा वापर केला जो, एक प्रकारचा जो सिंथेटिक मॉल्यूक्यूल आहे. हे व्हायरसमध्ये उपस्थित प्रोटीन ओळखण्यास सक्षम आहे.