प्रो कबड्डी : बेंगालचा यू मुंबावर विजय

हरियाणा स्टीलर्स वि. जयपूर पिंक पँथर्स सामना ३२-३२ असा बरोबरीत सुटला.

कोलकाता : प्रो कबड्डी लीग सामन्यात हरियाणा स्टीलर्स वि. जयपूर पिंक पँथर्स सामना ३२-३२ असा बरोबरीत सुटला. मध्यंतराला हरियाणाने १८-१४ असे वर्चस्व राखले होते. मात्र जयपूरने जबरदस्त पुनरागमन करत बरोबरी साधली. अन्य लढतीत बेंगाल वॉरियर्सने यू मुंबाला २९-२६ असे पराभूत केले.

Kabaddi is a game of fine margins and #KOLvMUM proved it yet again! 😍

Did you watch that agonisingly close finish to tonight's second #VIVOProkabaddi encounter on Star Sports and Hotstar?#IsseToughKuchNahipic.twitter.com/GPlw8LsaxV

— ProKabaddi (@ProKabaddi) September 11, 2019

यू मुंबाच्या संघाने यावेळी जोरदार आक्रमण केले, पण त्यांना चांगल्या पकडी करता आल्या नाहीत आणि सामना गमवावा लागला. यू मुंबाने चढायांमध्ये २० गुण पटकावले, तर बेंगालला १६ गुण मिळवता आले. पण पकडींमध्ये यू मुंबाने फक्त सहा गुण पटकावले, तर बेंगालला १० गुण मिळवता आले. त्याचबरोबर बेंगालच्या संघाने यू मुंबाला एक ऑल आऊट केले.