ऑनलाइन लोकमतपॅरिस/लेआॅन, दि. २३ : आइसलँड संघाने आॅस्ट्रियाचा २-१ गोलने पराभव करून फ गटात युरो चषक फुटबॉल स्पर्धेच्या बाद फेरीत प्रवेश केला. दुसरीकडे पोर्तुगालविरुद्ध हंगेरी ही लढत ३-३ गोल बरोबरीत संपली. हंगेरीने आधीच अंतिम सोळामध्ये प्रवेश केला आहे, तर पोर्तुगालने गोलफरकावर अंतिम सोळामधील आपली जागा निश्चित केली.
{{#config.logo.enabled}}
{{/allowed}}आइसलँड संघाकडून बोर्डवार्सनने १८व्या, तर ट्रास्टोसनने अतिरिक्त वेळेत चौथ्या मिनिटाला गोल केला. आॅस्ट्रिया संघाकडून शॉप्सने ६०व्या मिनिटाला गोल नोंदविला. चुरशीच्या झालेल्या लढतीत हंगेरीकडून झॉल्टन गेराने १९व्या व झुडसाकने ४७ व ५५व्या मिनिटाला गोल नोंदविला. पोर्तुगालकडून नानीने ४२व्या तर रोनाल्डोने ५० व ६२व्या मिनिटाला गोल नोंदविला.