नवी मुंबई - ऐरोली सेक्टर-१ येथील ६ एप्रिलच्या प्राणघातक गोळीबार प्रकरणाचा उलगडा करत पोलिसांनी मुख्य शूटरसह कटाचा सूत्रधार व बेकरी व्यावसायिक गुरफान खान याच्यासह पाच जणांना अटक केली. सीसीटीव्ही फुटेज व तब्बल ७,७०० मोबाइल क्रमांकांच्या डंपडेटाच्या विश्लेषणातून हा गुन्हा उघड झाल्याचे पोलिस उपायुक्त पंकज डहाणे यांनी सांगितले.
बिल्डर संदीप गवस यांच्याशी जुना आर्थिक वाद व बेकायदेशीर बांधकामांवरील कारवाईच्या रागातून हा हल्ला घडवण्यात आला. गुरफानने राहुल ऊर्फ पवन सहानी याला सुपारी दिल्याचे सांगितले.
६ एप्रिलच्या मध्यरात्री मोटारसायकलवरून आलेल्या राहुलने गवस व आरटीआय कार्यकर्ता अमित मौर्य याच्यावर गोळीबार केला. यात मौर्य गंभीर जखमी झाला असून, त्याच्यावर उपचार सुरू आहेत, तर गवस थोडक्यात बचावला. रबाळे पोलिस व गुन्हे शाखेने चोरीची मोटारसायकल जप्त केली व डंपडेटाच्या आधारे आरोपींपर्यंत पोहोचले. या प्रकरणात शूटर राहुल सहानीसह दुचाकी पुरवणारा सय्यद खान, आर्थिक मदत करणारा नागेश माने आणि हालचालींची माहिती देणारा विशाल महाडिक यांना अटक केली. या प्रकरणाचा पुढील तपास सुरू आहे.
Web Summary : Navi Mumbai police solved the Airoli shooting case, arresting five, including the mastermind. The shooting stemmed from a financial dispute and illegal construction grievances against builder Sandeep Gavas. CCTV footage and mobile data analysis led to the arrests of the shooter, facilitator, and informants.
Web Summary : नवी मुंबई पुलिस ने ऐरोली गोलीबारी मामले को सुलझाया, मुख्य साजिशकर्ता सहित पांच को गिरफ्तार किया। गोलीबारी बिल्डर संदीप गवस के खिलाफ वित्तीय विवाद और अवैध निर्माण शिकायतों से उपजी थी। सीसीटीवी फुटेज और मोबाइल डेटा विश्लेषण से शूटर, सुविधाकर्ता और मुखबिरों की गिरफ्तारी हुई।