Uttarakhand Rain: नैनीताल जिल्ह्यात ढगफुटी, 17 जणांचा मृत्यू तर अनेकजण ढिगाऱ्याखाली अडकले; बचाव कार्य सुरू

By ऑनलाइन लोकमत | Published: October 19, 2021 11:46 AM2021-10-19T11:46:58+5:302021-10-19T15:31:34+5:30

नैनीताल तलाव ओव्हरफ्लो झाल्यामुळे नैनीतालचे रस्ते जलमय झाले आहेत. इमारती आणि घरांमध्येही पाणी साचल्याचे दिसून येत आहे.

Uttarakhand Rain: Cloudburst in Nainital district, many stranded during heavy rains; Rescue operation continues | Uttarakhand Rain: नैनीताल जिल्ह्यात ढगफुटी, 17 जणांचा मृत्यू तर अनेकजण ढिगाऱ्याखाली अडकले; बचाव कार्य सुरू

Uttarakhand Rain: नैनीताल जिल्ह्यात ढगफुटी, 17 जणांचा मृत्यू तर अनेकजण ढिगाऱ्याखाली अडकले; बचाव कार्य सुरू

Next

नैनीताल: मुसळधार पावसामुळे उत्तराखंड पुन्हा एकदा उध्वस्त झालंय. ठिकठिकाणी भूस्खलनामुळे किमान 6 जणांसह 8 जणांचा मृत्यू झाल्याचे वृत्त आहे. यासह, रामनगरमधील कोसी नदीच्या पाण्याच्या पातळीत सातत्याने वाढ झाल्यामुळे, अनेक रिसॉर्ट्समध्ये पाणी भरलं आहे. दरम्यान, नैनीताल जिल्ह्यातील रामगढमध्ये ढगफुटी झाल्याची घटना घडली आहे. यात 17 जणांचा मृत्यू झाला असून, अनेकजण ढिगाऱ्याखाली अडकल्याची भीती आहे. पोलीस आणि प्रशासनाचे पथक घटनास्थळी पोहोचले असून, बचावकार्य सुरूच आहे.

आपत्ती व्यवस्थापन विभागाचे सचिव सांगतात की, नैनीताल आणि उधम सिंह नगरमध्ये सुरू असलेल्या बचाव कार्याला गती देण्यासाठी हवाई दलाचे हेलिकॉप्टर तैनात केले जातील. उत्तराखंडचे डीजीपी अशोक कुमार यांनी दिलेल्या माहितीनुसार, रामनगर-रानीखेत रस्त्यावर असलेल्या लेमन ट्री रिसॉर्टमध्ये सुमारे 100 लोक अडकले आहेत, ते सर्वजण सध्या सुरक्षित आहेत. 

एसएसपी प्रीती प्रियदर्शिनी यांनी सांगितले की, नैनीताल जिल्ह्यातील रामगढ गावात ढगफुटी झालेल्या ठिकाणाहून काही जखमींना वाचवण्यात आलं आहे. ढिगाऱ्याकाळी दबलेल्या लोकांची संख्या अद्याप कळू शकलेली नाही. तर, तिकडे नैनीताल तलावही ओव्हरफ्लो झाल्यामुळे नैनीतालचे रस्ते जलमय झाले आहेत. इमारती आणि घरांमध्येही पाणी साचल्याचे दिसून येत आहे. परिसरात सतत मुसळधार पाऊस पडत आहे.

नैनीताल तलाव ओव्हरफ्लो

गंगेची पातळी धोक्याच्या चिन्हावर

गेल्या दोन दिवसांपासून डोंगरावर पडणाऱ्या पावसामुळे गंगा धोक्याच्या पातळीवर पोहोचली आहे. गंगा 294 मीटरच्या धोक्याच्या चिन्हापासून 0.35 मीटर वर 294.35 मीटर वर वाहत आहे. गंगेच्या वाढत्या पातळीमुळे हरिद्वारमधील गंगेला लागून असलेल्या भागांना सतर्क करण्यात आले आहे.

आजही मुसळधार पावसाचा रेड अलर्ट
हवामान विभागाने मंगळवारीदेखील राज्यात रेड अलर्ट जारी केला आहे. राज्याच्या अनेक भागात मुसळधार ते अतिवृष्टी होऊ शकते. याशिवाय ताशी 60 ते 80 किलोमीटर वेगाने वादळ येण्याचीही शक्यता आहे. आपत्कालीन परिस्थितीचा सामना करण्यासाठी एसडीआरएफ, एनडीआरएफ, पोलिसांना अलर्ट मोडवर ठेवण्यात आले आहे. जिल्हास्तरीय अधिकाऱ्यांना माहिती दिल्याशिवाय जिल्हा मुख्यालय सोडू नका असे आदेश देण्यात आले आहेत. 
 

Web Title: Uttarakhand Rain: Cloudburst in Nainital district, many stranded during heavy rains; Rescue operation continues

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app