वाळूज ७

भारतीय जैन संघटनेतर्फे करिअर मार्गदर्शन शिबीर
वाळूज महानगर : भारतीय जैन संघटना शाखा पंढरपूरतर्फे बजाजनगरातील महावीर भवन येथे विद्यार्थ्यांसाठी करिअर मार्गदर्शन शिबीर घेण्यात आले.
अध्यक्षस्थानी पंढरपूर जैन श्रावक संघाचे अध्यक्ष संतोष चोरडिया होते. प्रमुख मार्गदर्शक सुरेश क टारे यांनी मार्गदर्शन केले. बजाजनगर, पंढरपूर, सिडको, वडगाव कोल्हाटी परिसरातील विद्यार्थ्यांनी मोठ्या संख्येने सहभाग घेतला. यशस्वीतेसाठी भारतीय जैन संघटना पंढरपूर शाखेच्या अध्यक्षा स्मिता बेदमुथा, उपाध्यक्ष मनोज मंडलेचा, अर्चना दुग्गड, सुनीता मंडलेचा, प्रीती कटारिया, भारती गुगळे, ज्योती राका, उज्ज्वला राका, रिता चोपडा आदींनी परिश्रम घेतले.
-------------------------------------
वडगावात विशेष ग्रामसभा
वाळूज महानगर : शासनाच्या ग्राम उदय ते भारत उदय योजनेंतर्गत वडगाव कोल्हाटी - बजाजनगर ग्रामपंचायतीतर्फे शनिवारी सरपंच महेश भोंडवे यांच्या अध्यक्षतेखाली विशेष ग्रामसभा घेण्यात आली.
गावातील जिल्हा परिषद शाळेच्या प्रांगणात झालेल्या विशेष ग्रामसभेत डॉ. बाबासाहेब आंबेडकर जयंतीनिमित्त ग्रामपंचायतीतर्फे घेण्यात आलेल्या निबंध व वक्तृत्व स्पर्धेतील विजेत्यांना सरपंच व उपसरपंच यांच्या हस्ते पारितोषिके वाटप करण्यात आली. काँग्रेसचे शरद जाधव यांनी खाजगी बोअरवेल व विहिरींचे अधिग्रहण करून पाणीप्रश्न सोडवावा, असा ठराव मांडला. यावेळी उपसरपंच हौसाबाई पाटोळे, ग्रामविकास अधिकारी अशोक गायकवाड, प्रकाश निकम, शरद जाधव, संदीप आढाव, ग्रा.पं. सदस्य श्रीकांत साळे, सचिन गरड, रमाकांत भांगे, अमित चोरडिया, बबन वाहूळ, श्रीकृष्ण भोळे, उषा हांडे, वैशाली जिवरग, उषा साळे, कासार, मंदा भोकरे, अलका शिंदे, जितू दहातोंडे यांच्यासह सर्व ग्रामपंचायत सदस्य, अंगणवाडी कार्यकर्त्या व नागरिकांची उपस्थिती होती.
फोटो ओळ - ग्राम उदय ते भारत उदय योजनेंतर्गत वडगाव कोल्हाटी येथे विशेष ग्रामसभा घेण्यात आली.
फोटो क्रमांक - २५ एप्रिल वडगाव
--------------------------------------