नवी दिल्ली:सोशल मीडियावर अनेकदा आश्चर्यजनक आणि धक्कादायक व्हिडिओ व्हायरल होत असतात. असाच एक व्हिडिओ सध्या सोशल मीडियावर व्हायरल होत आहे. व्हिडिओ मजेशीर वाटत असता तरी तो धक्कादायक आणि गांभीर्याने घेण्याची गरज आहे. व्हिडिओत एका बसवर शेकडो लोक बसलेले दिसत आहेत. यादरम्यान ड्रायव्हर अचानक बसचे ब्रेक मारतो आणि अनेकजण बसवरुन खाली पडतात.
व्हायरल होणारा हा व्हिडिओ आयपीएस अधिकारी रुपिन शर्मा यांनी आपल्या ट्विटर अकाउंटवर शेअर केला आहे. व्हिडिओसोबत त्यांनी कॅप्शनमध्ये लिहीलं, 'सावधान राहा, बसच्या छतावर बसून प्रवास करू नका...'
व्हिडिओत तुम्ही पाहू शकता, वेगाने एक बस धावत आहे आणि बसवर शेकडो लोक बसलेले आहेत. यादरम्यान एक मोटारसायकल बससमोर येते आणि बसचा ड्रायव्हर अचानक ब्रेक लावतो. हा व्हिडिओ सध्या खूप व्हायरल होत आहे. या व्हिडिओला आतापर्यंत एक हजार वेळेस पाहण्यात आले आहे. तसेच, या व्हिडिओवर युझर विविध प्रकारच्या कमेंट्स करत आहेत.