धर्मेंद्र यांना मरणोत्तर पद्मविभूषण, तर माजी राज्यपाल भगत सिंह कोश्यारींचा पद्मभूषणने सन्मान

केंद्र सरकारने पद्म पुरस्कार २०२६ ची अधिकृत घोषणा केली आहे. पाहा संपूर्ण यादी...

Padam Awards 2026: केंद्र सरकारने पद्म पुरस्कार २०२६ ची घोषणा केली आहे. यंदा देशातील १३१ मान्यवरांना पद्म पुरस्कारांनी सन्मानित करण्यात येणार आहे. यामध्ये ५ जणांना पद्मविभूषण, १३ जणांना पद्मभूषण, तर ११३ जणांना पद्मश्री पुरस्कार जाहीर झाले आहेत.

यंदाच्या यादीत दिवंगत अभिनेते धर्मेंद्र यांना मरणोत्तर पद्मविभूषण प्रदान करण्यात आला आहे. तर, झारखंड राज्यनिर्मितीच्या आंदोलनात महत्त्वाची भूमिका बजावणारे नेते शिबू सोरेन यांना मरणोत्तर पद्मभूषण देण्यात आळा आहे. याशिवाय, महाराष्ट्राचे माजी राज्यपाल भगत सिंह कोश्यारी यांचाही पद्मभूषण पुरस्काराने सन्मान होणार आहे.

For the year 2026, the President has approved conferment of 131 Padma Awards as per list below. The list comprises five Padma Vibhushan, 13 Padma Bhushan and 113 Padma Shri Awards. Nineteen of the awardees are women, while the list also includes six persons from the categories of… pic.twitter.com/7p0MKfmi1L

— ANI (@ANI) January 25, 2026

साल २०२६ साठी जाहीर करण्यात आलेल्या पुरस्कारांनुसार... 

पद्मविभूषण : ५

पद्मभूषण : १३

पद्मश्री : ११३

पद्मविभूषण पुरस्काराचे मानकरी 

अनु. क्र.	नाव	क्षेत्र	राज्य
१	धर्मेंद्र (मरणोत्तर)	कला	—
२	व्ही. एस. अच्युतानंदन (मरणोत्तर)	समाजकार्य	केरळ
३	के. टी. थॉमस	समाजकार्य	केरळ
४	पी. नारायणन	साहित्य व शिक्षण	केरळ
५	एन. राजम	कला	उत्तर प्रदेश

पद्मभूषण पुरस्काराचे मानकरी

अनु. क्र.	नाव	क्षेत्र	राज्य / देश
१	अलका याज्ञिक	कला	महाराष्ट्र
२	भगतसिंह कोश्यारी	सार्वजनिक व्यवहार	उत्तराखंड
३	कल्लिपट्टी रामासामी पलानीस्वामी	वैद्यकीय सेवा	तामिळनाडू
४	ममूटी	कला	केरळ
५	डॉ. नोरी दत्तात्रेयुडू	वैद्यकीय सेवा	संयुक्त राज्य अमेरिका
६	पियुष पांडेय (मरणोत्तर)	कला	महाराष्ट्र
७	एस. के. एम. माइलानंदन	समाजकार्य	तामिळनाडू
८	शतावधानी आर. गणेश	कला	कर्नाटक
९	शिबू सोरेन (मरणोत्तर)	सार्वजनिक व्यवहार	झारखंड
१०	उदय कोटक	व्यापार व उद्योग	महाराष्ट्र
११	व्ही. के. मल्होत्रा (मरणोपरांत)	सार्वजनिक व्यवहार	दिल्ली
१२	वेल्लापल्ली नटेशन	सार्वजनिक व्यवहार	केरळ
१३	विजय अमृतराज	क्रीडा	अमेरिका

यंदाच्या यादीत विविध राज्यांतील मान्यवरांचा समावेश आहे.

केरळ : ८

तामिळनाडू : १३

पश्चिम बंगाल : ११

आसाम : ५

उत्तर प्रदेश : ११

महाराष्ट्र : १६

गणतंत्र दिनी होते पुरस्कारांची घोषणा

पद्म पुरस्कार हे भारतातील सर्वोच्च नागरी सन्मानांपैकी एक आहेत. १९५४ साली सुरू करण्यात आलेल्या या पुरस्कारांची घोषणा दरवर्षी प्रजासत्ताक दिनी केली जाते. पुरस्कारांचे वितरण राष्ट्रपती भवनात आयोजित विशेष समारंभात राष्ट्रपतींच्या हस्ते होते. हे पुरस्कार कला, साहित्य, शिक्षण, क्रीडा, वैद्यकीय सेवा, समाजसेवा, विज्ञान व अभियांत्रिकी, लोकसेवा, नागरी सेवा, व्यापार व उद्योग अशा विविध क्षेत्रांतील असाधारण योगदानासाठी दिले जातात. जात, धर्म, लिंग किंवा व्यवसायभेद न करता सर्व नागरिक या पुरस्कारांसाठी पात्र असतात.