पंजाबींसाठी अधिक अधिकार, 'रंगले पंजाब'कडे दमदार वाटचाल, मुख्यमंत्री भगवंत सिंह मान

Punjab CM Bhagwant Maan: आपण पंजाबला एका नव्या शिखरावर नेणार आहोत. त्याबाबत प्रत्येकाला पंजाबी असल्याबद्दल अभिमान वाटेल. रंगले पंजाबचे स्वप्न कठोर परिश्रम, मेहनत आणि वचनबद्धतेने पूर्ण केले जाऊ शकते. यासाठी आपणा सर्वांना सज्ज व्हावे लागेल आणि आपल्या पूर्ण ऊर्जेला निष्ठेने या दिशेने लावावे लागेल, असे पंजाबचे मुख्यमंत्री भगवंत सिंह मान यांनी म्हटले आहे.

चंदीगड  -  आपणपंजाबला एका नव्या शिखरावर नेणार आहोत. त्याबाबत प्रत्येकाला पंजाबी असल्याबद्दल अभिमान वाटेल. रंगले पंजाबचे स्वप्न कठोर परिश्रम, मेहनत आणि वचनबद्धतेने पूर्ण केले जाऊ शकते. यासाठी आपणा सर्वांना सज्ज व्हावे लागेल आणि आपल्या पूर्ण ऊर्जेला निष्ठेने या दिशेने लावावे लागेल, असे पंजाबचे मुख्यमंत्री भगवंत सिंह मान यांनी म्हटले आहे. प्रजासत्ताक दिनानिमित्त जनतेला दिलेल्या संदेशात त्यांनी म्हटले आहे की, भारताला आज जगातील सर्वात मोठे लोकशाही प्रजासत्ताक असल्याचा अभिमान आहे.

मुख्यमंत्री आरोग्य योजना, नशेखोरीविरुद्ध युद्ध, गँगस्टरविरुद्ध युद्ध, महसूल सुधारणा, आम आदमी क्लिनिक, मोफत वीज, शिक्षण क्रांती, कालव्यांचे पाणी, प्रकाशमान पंजाब, शाहपूरमध्ये कंडी डॅम, ग्रामीण भागाशी जोडणारे रस्ते, औद्योगिक विकास, नोकऱ्या आणि रोजगार, भ्रष्टाचाराविरुद्ध शून्य सहनशीलता धोरण, रस्ते सुरक्षा दल, फरिश्ते योजना, कायदा व्यवस्था, शहीदांच्या वारसांना एक कोटी रुपये, शेतमालाची खरेदी, क्रीडा धोरणाद्वारे पंजाबला अग्रगण्य राज्य करण्याचा संकल्प पूर्णत्वाकडे जात आहे, असेही मुख्यमंत्री म्हणाले.

राज्यपालांच्या शुभेच्छा
पंजाबचे राज्यपाल गुलाबचंद कटारिया यांनी प्रजासत्ताक दिनानिमित्त जनतेला शुभेच्छा दिल्या आहेत. त्यांनी म्हटले आहे की, पंजाब हे एक अभिमानी आणि प्रेरणादायी राज्य आहे. सीमांचे रक्षण करण्यापासून ते राष्ट्र उभारणीपर्यंत पंजाबींची भूमिका अनुकरणीय राहिली आहे. सर्वांना प्रजासत्ताक दिनाच्या शुभेच्छा.