उत्तर प्रदेशातील एटा जिल्ह्यातील जैथरा पोलीस ठाणे हद्दीतील नगला धीरज गावातून मन सुन्न करणारी धक्कादायक घटना समोर आली आहे. एका आठ वर्षांच्या चिमुरड्याला आपल्या आईचा मृतदेह घेऊन स्वतः जिल्हा मुख्यालयात शवविच्छेदनासाठी जावं लागलं. वीरांगना अवंतीबाई मेडिकल कॉलेजमध्ये उपचारादरम्यान ४५ वर्षीय नीलम यांचा मृत्यू झाला.
वर्षभरापूर्वी वडिलांचा एचआयव्हीमुळे मृत्यू झाला होता. त्यानंतर नातेवाईकांनी या कुटुंबापासून अंतर राखलं, ज्यामुळे या मुलाकडे कोणताही आधार उरला नव्हता. मालमत्तेच्या लोभापोटी नातेवाईकांनी उपचारासाठी कोणतीही मदत केली नाही. अखेर हतबल होऊन या लहान मुलाने आपल्या आईच्या अंतिम प्रवासाची जबाबदारी एकट्यानेच खांद्यावर घेतली.
या हृदयद्रावक घटनेने समाजाचा क्रूर चेहरा उघड केला आहे. वडिलांच्या निधनानंतर आई गंभीर आजाराशी झुंज देत होती. या लहान मुलाने एकट्यानेच आईला उपचारासाठी फर्रुखाबाद, कानपूर आणि दिल्लीपर्यंत नेलं होतं. गेल्या आठ दिवसांपासून तो मेडिकल कॉलेजमध्ये दिवसरात्र आईची सेवा करत होता. आईच्या निधनानंतर जेव्हा एकही नातेवाईक खांदा देण्यासाठी पुढे आला नाही, तेव्हा समाजासमोर हा छोटा मुलगा एकटाच खंबीरपणे उभा राहिला.
या मुलाने आपल्या नातेवाईकांवर गंभीर आरोप केले आहेत. त्याचे काका आणि इतर नातेवाईकांचा डोळा त्याच्या मालमत्तेवर आहे, मात्र आजारपणात कोणीही एक रुपयाही खर्च केला नाही, असं त्याने सांगितलं. जैथरा पोलीस ठाण्याचे प्रभारी रितेश ठाकूर यांनी या प्रकरणाचे गांभीर्य ओळखून तातडीने हस्तक्षेप केला आहे. पोलिसांनी आश्वासन दिलं आहे की, ते केवळ महिलेचे अंत्यसंस्कारच करणार नाहीत, तर या निराधार मुलाला शक्य ती सर्व मदतही करतील.
Web Summary : In Uttar Pradesh, an 8-year-old boy was forced to transport his mother's body alone for a postmortem after she died from illness. Relatives shunned them after the father's death, leaving the child with no support. Police intervened to help with the funeral and provide assistance.
Web Summary : उत्तर प्रदेश में एक 8 वर्षीय बालक अपनी माँ की मृत्यु के बाद शव को पोस्टमार्टम के लिए अकेले ले जाने को मजबूर हुआ। पिता की मृत्यु के बाद रिश्तेदारों ने किनारा कर लिया, जिससे बच्चे को कोई सहारा नहीं मिला। पुलिस ने अंतिम संस्कार में मदद की और सहायता प्रदान की।