नवी दिल्ली - १४० काेटींच्या आपल्या देशात रक्ताचा सर्वाधिक तुटवडा पडतो. भारताला दरवर्षी सुमारे १.५ काेटी पिशवी रक्ताची गरज आहे. मात्र, १ काेटी पिशव्या कमी पडतात. हा आकडा २०२३ मधील आहे. कर्कराेग, सिकलसेल, थॅलेसिमिया रुग्ण व शस्त्रक्रियांसाठी रक्ताची गरज असते. मात्र, तुटवडा असल्यामुळे अनेकांचा मृत्यू हाेताे. त्यामुळे रक्तदानाबाबत जनजागृती करण्याची गरज आहे. १४ जून हा जागतिक रक्तदाता दिवस आहे. यानिमित्ताने रक्तदानाबाबत जाणून घेऊ या...
- १९४९ मध्ये काेलकाता येथे भारतातील पहिली रक्तपेढी स्थापन झाली.- १.५ काेटी पिशव्या रक्ताची गरज भारतात दरवर्षी असते.- ०१ काेटी पिशव्या रक्ताचाच पुरवठा हाेत आहे.
- दर २ सेकंदाला काेणाला तरी रक्ताची गरज भासते. - दर ३ लाेकांपैकी एकाला तरी आयुष्यात रक्ताची गरज भासू शकते.- १ हजार लाेकांमागे ३४ जणांनी वर्षातून किमान एकदा रक्तदान करायला हवे.- २०.३ युनिट रक्त एका खाटेमागे दरवर्षी रक्त गाेळा व्हायला हवे. - ४०.२ काेटी लाेक पात्र रक्तदाते २०२२ मध्ये भारतात एका अहवालानुसार हाेते.- ५ ते ६ लीटर रक्त माणसाच्या शरीरात असते.- दर ९० दिवसांनी रक्तदान करता येते.- रुग्णालयात दाखल हाेणाऱ्या ७ रुग्णांपैकी एकाला रक्ताची गरज भासू शकते.- ३ जणांचे प्राण रक्ताची एक पिशवी वाचवू शकते.
असे असते तुमचे रक्त- ५ दिवसांपर्यंत प्लेटलेट्स साठवून ठेवता येऊ शकतात. १० ते १५ मिनिटांमध्ये एक पिशवी रक्तदानाची प्रक्रिया पूर्ण हाेते.- २४ ते ४८ तासांमध्ये प्लाझ्माची प्रतिपूर्ती हाेते. लाल रक्तपेशींचे प्रमाण ३ आठवड्यांमध्ये पूर्ववत हाेते. प्लेटलेट्स आणि पांढऱ्या पेशी लगेच पूर्ववत हाेतात.