केंद्रीय गृहमंत्री अमित शहांची प्रकृती ठणठणीत, रुग्णालयातून मिळाला डिस्चार्ज
By ऑनलाइन लोकमत | Published: August 31, 2020 09:56 AM2020-08-31T09:56:16+5:302020-08-31T10:15:40+5:30
कोरोनावर मात करून घरी गेल्यानंतर शहा यांना अचानक अस्वस्थ वाटू लागलं. यामुळे पुन्हा त्यांना दिल्लीतील एम्स रुग्णालयात दाखल करण्यात आलं होतं. आता त्यांच्या प्रकृतीत सुधारणा झाल्याची माहिती मिळत आहे.
केंद्रीय गृहमंत्री अमित शहांची प्रकृती ठणठणीत, रुग्णालयातून मिळाला डिस्चार्ज
नवी दिल्ली - देशात कोरोनाने थैमान घातले आहे. अनेक राजकीय नेत्यांनाही कोरोनाची लागण झाली आहे. केंद्रीय गृहमंत्री अमित शहा यांचा काही दिवसांपूर्वी कोरोना रिपोर्ट पॉझिटिव्ह आला होता. कोरोनाचा संसर्ग होताच त्यांना उपचारासाठी दाखल करण्यात आलं होतं. त्यानंतर शहा यांनी कोरोनावर मात केली होती. कोरोनावर मात करून घरी गेल्यानंतर शहा यांना अचानक अस्वस्थ वाटू लागलं. यामुळे पुन्हा त्यांना दिल्लीतील एम्स रुग्णालयात दाखल करण्यात आलं होतं. आता त्यांच्या प्रकृतीत सुधारणा झाल्याची माहिती मिळत आहे.
अमित शहांची प्रकृती ठणठणीत असून त्यांना एम्स रुग्णालयाकडून डिस्चार्ज देण्यात आल्याची माहिती मिळत आहे. याआधी काही दिवसांपूर्वी अमित शहांची प्रकृती सुधारली असून लवकरच डिस्चार्ज देण्यात येणार असल्याचं एम्स रुग्णालयाकडून कळविण्यात आलं होतं. त्यानंतर आता त्यांना डिस्चार्ज मिळाल्याची माहिती मिळत आहे. 17 ऑगस्टला रात्री अमित शहांना श्वास घेण्यास त्रास जाणवू लागला होता. यामुळे त्यांना रात्रीच एम्समध्ये दाखल करण्यात आले होते.
Union Home Minister Amit Shah, who was admitted for post-COVID care, discharged from AIIMS Delhi: Sources
— Press Trust of India (@PTI_News) August 31, 2020
2 ऑगस्टला शहा यांना कोरोनाची लागण झाली होती. तर उपचारानंतर 14 ऑगस्टला अमित शहा यांची कोरोना चाचणी निगेटिव्ह आली होती. गुरुग्राममधील मेदांता रुग्णालयामध्ये त्यांना भरती करण्यात आले होते. तेथे त्यांच्यावर कोरोनावरील उपचार करण्यात आले होते. त्यानंतर एम्सने बुलेटीन काढत अमित शहा ठणठणीत बरे झाले असून त्यांच्यावर कोरोनापश्चात उपचार सुरू होते. त्यांना लवकरच घरी सोडण्यात येणार असल्याचं म्हटलं होतं.
CoronaVirus News : आशेचा किरण! कोरोना लसीबाबत आरोग्यमंत्री म्हणतात...https://t.co/3T5J5c7REp#coronavirus#CoronavirusIndia#CoronaUpdatesInIndia#COVID19India#coronainindia#CoronavirusVaccine
— Lokmat (@MiLOKMAT) August 31, 2020
कोरोनाची काही प्राथमिक लक्षणं दिसल्यानंतर शहांनी टेस्ट केली होती, त्या टेस्टचा रिपोर्ट पॉझिटिव्ह आला होता. अमित शहा यांनी त्यांच्या संपर्कात आलेल्या व्यक्तींना देखील कोरोनाची चाचणी करण्याचे आवाहन केले होते. त्यानंतर त्यांनी कोरोना रिपोर्ट निगेटिव्ह आल्याचं ट्विट केलं. माझी कोरोना टेस्ट रिपोर्ट निगेटिव्ह आली आहे. मी देवाचे आभार मानतो आणि माझ्या प्रकृतीसाठी ज्यांनी माझ्यासाठी प्रार्थना केली व माझ्या कुटुंबीयांना धीर दिला त्यांचे मी मनापासून आभार मानतो. डॉक्टरांच्या सल्ल्यानंतर आणखी काही दिवस मी होम आयसोलेशन मध्ये राहणार आहे. कोरोनाशी सामना करण्याकरीता मला मदत करणाऱ्या आणि माझ्यावर उपचार करणाऱ्या मेदांता रुग्णालयातील सर्व डॉक्टर्स व स्टाफचेही आभार'' असं म्हटलं होतं.
नेत्याच्या आत्महत्येने परिसरात खळबळ https://t.co/gn94SrmaLC#coronavirus#CoronavirusIndia#CoronaUpdatesInIndia#COVID19India#coronainindia#Suicide
— Lokmat (@MiLOKMAT) August 31, 2020
महत्त्वाच्या बातम्या
धक्कादायक! कोरोनाग्रस्त नेत्याने रुग्णालयातून काढला पळ, पुलावरुन उडी मारुन केली आत्महत्या
भयंकर! 'त्या' हत्याकांडाचं गूढ उकललं; मुलीनेच केली होती आई, भावाची हत्या अन्...
"... मात्र पंतप्रधानांनी केली 'खेळण्यांवर चर्चा'", राहुल गांधींचा मोदींवर हल्लाबोल
"चाकरमान्यांना यावर्षी एवढे का छळताय?, कोकणी माणसाच्या सहनशीलतेला का नख लावताय?"
