Corona Vaccine: आता भारतात होणार जॉन्सन अँड जॉन्सन लसीचं उत्पादन!; चाचपणी सुरू

By ऑनलाइन लोकमत | Published: May 12, 2021 05:49 PM2021-05-12T17:49:57+5:302021-05-12T17:51:26+5:30

Corona Vaccine: केवळ एकच डोस पुरेसा असणाऱ्या जॉन्सन अँड जॉन्सन कोरोना लसीचं उत्पादन भारतात करण्यासंदर्भात चाचपणी सुरू झाल्याची माहिती मिळाली आहे.

america looking to jointly produce Johnson and Johnson single dose corona vaccine in India | Corona Vaccine: आता भारतात होणार जॉन्सन अँड जॉन्सन लसीचं उत्पादन!; चाचपणी सुरू

Corona Vaccine: आता भारतात होणार जॉन्सन अँड जॉन्सन लसीचं उत्पादन!; चाचपणी सुरू

Next
ठळक मुद्देआता भारतात होणार जॉन्सन अँड जॉन्सन लसीचं उत्पादनअमेरिकेने सुरू केली चाचपणीभारतातील लस उत्पादनात गुंतवणूक करण्याचा विचार

नवी दिल्ली: देशात कोरोनाचे थैमान सुरू आहे. कोरोनाच्या दुसऱ्या लाटेमुळे कोरोनाबाधितांच्या संख्येत मोठी वाढत दिसून येत असून, कोरोनामुळे होणाऱ्या मृत्यूची संख्या उच्चांक गाठत आहे. देशातील परिस्थिती चिंताजनक होत चालली आहे. कोरोना नियंत्रणात आणण्यासाठी लसीकरणावर मोठ्या प्रमाणात भर दिला जात आहे. मात्र, लसींचा तुटवडा लसीकरण मोहिमेवर परिणाम करत असल्याचे चित्र आहे. या पार्श्वभूमीवर केवळ एकच डोस पुरेसा असणाऱ्या जॉन्सन अँड जॉन्सन कोरोना लसीचं उत्पादन भारतात करण्यासंदर्भात चाचपणी सुरू झाल्याची माहिती मिळाली आहे. (america looking to jointly produce Johnson and Johnson single dose corona vaccine in India) 

जॉन्सन अँड जॉन्सन कोरोना लसीच्या वापराला अलीकडेच अमेरिकेत मंजुरी मिळाली आहे. या लसीचे भारतात उत्पादन करण्याचे प्रयत्न अमेरिकेकडून सुरू करण्यात आले आहेत, अशी माहिती अमेरिकेचे गृहसचिन डॅनियल स्मिथ यांनी यासंदर्भात बोलताना दिली. भारतातील लस उत्पादक आणि अमेरिकी कंपन्या यांच्यामार्फत संयुक्तपणे या लसीचे उत्पादन करता येणं शक्य आहे का, याबाबत चाचपणी सुरू करण्यात आल्याचे सांगितले जात आहे. भारतात कोरोनाच्या तिसऱ्या लाटेचा इशारा तज्ज्ञांकडून देण्यात आला आहे. जॉन्सन अँड जॉन्सन कोरोना लसीचे उत्पादन भारतात सुरू झाल्यास भारताला आणखी एक लस उपलब्ध होऊ शकेल, असे सांगितले जात आहे. 

ठाकरे सरकारला मराठा आरक्षण द्यायचंच नव्हतं; नारायण राणेंची टीका

भारतातील लस उत्पादनात गुंतवणूक करण्याचा विचार

अमेरिकेतील डेव्हलपमेंट फायनान्स कॉर्पोरेशन भारतातील लस उत्पादनात गुंतवणूक करण्याचा विचार करत आहे.  जॉन्सन अँड जॉन्सन कोरोना लसीच्या उत्पादनासाठी या कॉर्पोरेशनच्या माध्यमातून गुंतवणूक होण्याची शक्यता असून, भारतातील खासगी क्षेत्रामधील कंपन्यांशी बोलणी सुरू आहेत. यामुळे लसीचे उत्पादन वेगाने करता येणे शक्य होऊ शकेल. यामुळे सन २०२२ च्या अखेरपर्यंत भारतात १०० कोटी लसींच्या डोसचे उत्पादन होऊ शकेल, असा विश्वास स्मिथ यांनी यावेळी बोलताना व्यक्त केला.

मोदींच्या अहंकारी, मनमानीपणा, नाकर्तेपणामुळे जगात भारताची नाचक्की; नाना पटोलेंची टीका

भारत सरकारने कच्च्या मालाची यादी दिली

भारत सरकारने कच्च्या मालाची यादी दिली आहे. अमेरिका या मालाचा आणि इतर साधनांचा पुरवठा तातडीने करण्यासाठी प्रयत्नशील आहे. मात्र, जागतिक स्तरावरच कच्च्या मालाची पुरवठा साखळी विस्कळीत झाली आहे. भारताला कच्चा माल पुरवणे सोपी बाब राहिलेली नाही. आम्ही भारतासोबत या यादीवर काम करत आहोत. आमच्याकडे काय उपलब्ध आहे, काय आम्ही पुरवू शकतो आणि किती वेगाने त्याचा पुरवठा करता येऊ शकेल, यावर आम्ही काम सुरू आहे. कच्च्या मालाच्या पुरवठ्याची समस्या जगातील सर्वच लसींच्या बाबतीत आहे, असे स्मिथ यांनी नमूद केले.

मस्तच! आता घरबसल्या सेट करा ATM कार्डचा नवीन पिन; ‘या’ बँकेची विशेष सुविधा

दरम्यान, केंद्रीय आरोग्य मंत्रालयाच्या माहितीनुसार देशात गेल्या २४ तासांत ३ लाख ४८ हजार ४२१ नवीन कोरोनाबाधित रुग्ण आढळून आले. तर याच कालावधीत ३ लाख ५५ हजार ३३८ जणांनी करोनावर मात केली. देशात मंगळवारी ४,२०५ रुग्णांना प्राण गमवावे लागले आहेत. तसेच देशात आताच्या घडीला ३७ लाख ०४ हजार ०९९ रुग्णांवर कोरोनाचे उपचार सुरू आहेत. तर, १७ कोटी ५२ लाख ३५ हजार ९९१ जणांचे कोरोना लसीकरण करण्यात आले आहे. 
 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: america looking to jointly produce Johnson and Johnson single dose corona vaccine in India

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app