ओझरला भगदाडमध्ये बिबट्या अडकतो तेव्हा...

मौजे सााकोरे मिग येथील एचएएल मीगच्या परिसरात असलेल्या संरक्षण भिंतीच्या भगदाडमधून जाण्याच्या प्रयत्नात रविवारी (दि.२०) मध्यरात्रीच्या सुमारास एक प्रौढ बिबट्या अडक ला. भगदाडच्या समोरील बाजूने संरक्षक तारेचे कुंपण असल्यामुळे बिबट्याला बाहेर पडता येत नसल्याने तो सुटकेसाठी झटापट करत होता. घटनेची माहिती मिळताच वनविभाग पूर्वच्या चांदवड, नाशिक पश्चिमच्या रेस्क्यू पथकाने धाव घेत बिबट्याला भुलीचे इंजेक्शन (डार्ट) देत सुटका केली.

ठळक मुद्देवनविभाग पूर्वच्या पथकाकडून सुरक्षित ‘रेस्क्यू’

नाशिक : मौजे सााकोरे मिग येथील एचएएल मीगच्या परिसरात असलेल्या संरक्षण भिंतीच्या भगदाडमधून जाण्याच्या प्रयत्नात रविवारी (दि.२०) मध्यरात्रीच्या सुमारास एक प्रौढ बिबट्या अडक ला. भगदाडच्या समोरील बाजूने संरक्षक तारेचे कुंपण असल्यामुळे बिबट्याला बाहेर पडता येत नसल्याने तो सुटकेसाठी झटापट करत होता. घटनेची माहिती मिळताच वनविभाग पूर्वच्या चांदवड, नाशिक पश्चिमच्या रेस्क्यू पथकाने धाव घेत बिबट्याला भुलीचे इंजेक्शन (डार्ट) देत सुटका केली.ओझर विमानतळ ते एचएएल मीगच्या परिसरात बिबट्यांसह अन्य वन्यजिवांचा वावर आढळतो. या भागात बिबट संचार असून, स्थानिक शेतकऱ्यांना बिबट्याचे अधूनमधून दर्शन घडत असते. रविवारी मध्यरात्री भक्ष्याचा पाठलाग करताना पूर्ण वाढ झालेला बिबट्या अचानकपणे एचएएलच्या दगडी संरक्षण भिंतीला असलेल्या भगदाडातून बाहेर पडण्याच्या प्रयत्नात अडकून पडला. कारण भिंतीच्या दोन्ही बाजूंनी संरक्षक लोखंडी तारेचे कुंपण होते. त्यामुळे बिबट्याला भगदाडमधून बाहेर पडणे शक्य होत नव्हते. त्यामुळे बिबट्या गुरगुरत डरकाळ्या फोडू लागला.बिबट्याच्या आवाजाने आजूबाजूला असलेले भटके श्वान जोरजाराने भुंकू लागले. त्यामुळे शेतकरीदेखील साखरझोपेतून जागे झाले. बिबट्याची डरकाळी कानी पडत होती; मात्र पहाटेच्या अंधारात बिबट्या नजरेस पडत नसल्याने परिसरातील शेतकऱ्यांमध्ये भीतीचे सावट पसरले. दिवस उगविल्यानंतर बिबट्या काही स्थानिकांच्या नजरेस पडला. त्यानंतर तेथील नागरिकांनी तत्काळ ओझर पोलीस ठाण्यासह वनविभागाला माहिती कळविली. तासाभरात सकाळी ११ वाजेपर्यंत चांदवड, नाशिक पश्चिम कार्यालयाचे पथके घटनास्थळी पोहोचले. वनक्षेत्रपाल संजय पवार, विवेक भदाणे, वनपाल मधुकर गोसावी, नाना चौधरी, दीपक जगताप, सुनील महाले, अभिजित महाले आदींनी रेस्क्यू आॅपरेशन सुरू केले.बिबट्या तार आणि वायरींच्या जाळ्यात पाठीमागून पूर्णपणे अडकलेला असल्याचे लक्षात आल्यानंतर परिस्थितीचा अंदाज घेत बिबट्याला भुलीचे इंजेक्शन देण्यात आले. एचएएलच्या हद्दीतच पशुवैद्यकीय अधिकारी डॉ. तोरण पवार, डॉ. अल्केश चौधरी यांनी बिबट्यावर उपचार केले.असे राबविले ‘रेस्क्यू आॅपरेशन’बिबट्या सुटकेसाठी प्रचंड आक्रमक झाला होता. त्यामुळे चवताळून त्याच्याकडून हल्ला होण्याची शक्यता लक्षात घेता त्याला तत्काळ सुरक्षितरीत्या पिंजºयात घेणे गरजेचे होते. वनरक्षक, वन्यजीवप्रेमी संस्थेचे स्वयंसेवकांनी गावकºयांना घटनास्थळापासून लांब केले. घटनास्थळी पोहोचलेल्या वनअधिकाºयांसह पशुवैद्यकीय अधिकाºयांनी बिबट्याला भुलीचे इंजेक्शन (ट्रॅन्क्युलाईज) देण्याचा निर्णय घेतला. यावेळी वनपालांनी ‘ब्लोअरपाईप’च्या सहाय्याने तत्काळ बिबट्याच्या पाठीच्या दिशेने ‘डार्ट’ सोडला. बिबट्याला डार्ट अचूक लागल्याने अवघ्या काही मिनिटांत तो बेशुद्ध पडला. तत्काळ वनकर्मचारी, वनमजूर व वन्यजीवप्रेमींनी धाव घेत बिबट्याच्या शरीराला तार आणि वायरींच्या विळख्यातून मुक्त करत पिंजºयात घेतले.पाठीवर तारेचे ओरखडे लागल्याने जखमाबिबट्याच्या पाठीला तारेचे ओरखडे लागल्याने काही प्रमाणात जखमा झाल्याचे आढळून आले; मात्र जखमा फारशा खोलवर नसल्याने धोका टळला. दुपारी ४ वाजेपर्यंत बिबट्यावर प्राथमिक उपचार पूर्ण करण्यात आले. वन्यजीवप्रेमी संस्था इको-एको फाउंडेशनच्या स्वयंसेवकांनी यावेळी वनकर्मचाºयांना ‘रेस्क्यू आॅपरेशन’ उपचाराकामी सहकार्य केले. सायंकाळपर्यंत बिबट्या शुद्धीवरदेखील आल्याचे भदाणे यांनी सांगितले.