लॉकडाऊनची कठोरतेने अंमलबजावणी करा

लोकमत न्यूज नेटवर्कनंदुरबार : कोरोनाचा वाढता संसर्ग रोखण्यासाठी अधिकाऱ्यांनी लॉकडाऊनची कठोरतेने अंमलबजावणी करावी. नागरिकांना शिथिलता देताना प्रशासनाच्या सूचनांचे पालन होईल याकडेही लक्ष द्यावे, असे निर्देश राज्याचे आदिवासी विकास मंत्री तथा पालकमंत्री अ‍ॅड.के.सी. पाडवी यांनी दिले.पालकमंत्र्यांनी जिल्ह्यातील अधिकाऱ्यांशी व्हिडीओ कॉन्फरन्सिंगद्वारे संवाद साधला. त्यानंतर जिल्हाधिकारी कार्यालयात वरिष्ठ अधिकाºयांशी चर्चा करताना ते बोलत होते. या वेळी जिल्हाधिकारी डॉ.राजेंद्र भारूड, पोलीस अधीक्षक महेंद्र पंडित, मुख्य कार्यकारी अधिकारी विनय गौडा, अपर जिल्हाधिकारी महेश पाटील, सहायक जिल्हाधिकारी वसुमना पंत, जिल्हा शल्य चिकीत्सक डॉ.रघुनाथ भोये आदी उपस्थित होते.पालकमंत्री म्हणाले, बाहेरून येणारी व्यक्ती किती कालावधीसाठी व कोणाकडे येत आहे याची माहिती घेण्याचा प्रयत्न करावा. अशा व्यक्तिमध्ये आजाराची लक्षणे असल्यास तातडीने विलगीकरणात पाठविण्यात यावे. आवश्यकतेनुसार कंत्राटी तत्वावर तत्काळ डॉक्टर नेमावे. तसेच गरज पडल्यास खाजगी डॉक्टरांची सेवादेखील घेण्यात यावी.नागरिकांमध्ये बºया प्रमाणात जागृती निर्माण झालेली आहे. मात्र शहरी भागात मास्क घालणे व शारीरीक अंतराचे कठोरतेने पालन होईल याकडे लक्ष द्यावे. विशेषत: बाजाराच्या ठिकाणी स्थानिक प्रशासनाने अधिक दक्षता बाळगावी आणि कुठल्याही परिस्थीतीत संसर्ग वाढणार नाही. याकडे लक्ष द्यावे, असे त्यांनी सांगितले.नंदुरबार येथे कोरोना नमुने तपासण्यासाठी लॅब तयार करण्याबाबतदेखील अ‍ॅड.पाडवी यांनी आढावा घेतला. त्यासाठी आवश्यक यंत्राबाबत त्यांनी वैद्यकीय शिक्षण मंत्री अमित देशमुख यांच्याशी दूरध्वनीवरून चर्चा केली. लॅब सुरू झाल्यास सपर्क साखळीतील बाधीत व्यक्तींची ओळख लवकर होवून कोरोनावर नियंत्रण मिळवणे शक्य होईल, असे त्यांनी सांगितले. जिल्हाधिकाºयांनी प्रशासनातर्फे करण्यात येत असलेल्या उपाययोजनांची माहिती दिली.बैठकीनंतर पालकमंत्र्यांनी एकलव्य इंग्लिश स्कूल येथे भेट देऊन कोविड सेंटरच्या तयारीची माहिती घेतली. तेथे जनरेटरची व्यवस्था व वैद्यकीय कर्मचाºयांसाठी गिझरची व्यवस्था करण्याचे निर्देश त्यांनी दिले. सर्व आवश्यक सुविधा तातडीने करण्यात याव्यात. यासाठी शासनाकडून सर्व सहकार्य करण्यात येईल, असेही ते म्हणाले.जिल्ह्यात गेल्या चार दिवसात रूग्ण संख्या वाढल्याने प्रशासनातर्फे विविध उपाययोजना करण्यात येत आहेत. या पार्श्वभूमीवर जिल्हाधिकारी व पालकमंत्र्यांनी अधिकाºयांना कामाबाबत अधिक दक्ष राहण्याच्या सूचना दिल्या.