दोन वेगवेगळ्या अपघातात एक ठार तीनजण जखमी

लोकमत न्यूज नेटवर्कनंदुरबार : तळोदा व अक्कलकुवानजीक झालेल्या दोन वेगवेगळ्या अपघातात एक ठार तर तीनजण जखमी झाल्याची घटना घडली. पहिला अपघात तळोदा तालुक्यातील नर्मदानगर शिवारात झाला. शेतातील बांधावरून भरधाव वेगाने जाणारे ट्रॅक्टर उलटल्याने त्याखाली दबून नानसिंग वाडग्या वसावे (23) रा.नर्मदानगर हा युवक जागीच ठार झाला. मोवश्या वसावे हे ट्रॅक्टर चालवत होते तर मयत   नानसिंग वसावे हे बाजुला बसलेले होते. त्यामुळे ट्रॅक्टरखाली दबला  गेला. याबाबत किसन गारद्या वसावे यांच्या फिर्यादीवरून ट्रॅक्टर चालक मोवाश्या नु:या वसावे यांच्याविरुद्ध तळोदा पोलीस ठाण्यात गुन्हा दाखल करण्यात आला आहे. तपास जमादार वसावे करीत आहे.दुसरी घटना अक्कलकुवा तालुक्यातील मोलगी रस्त्यावरील गंगापूर नर्सरीजवळ घडली. दोन दुचाकी एकमेकांवर आदळून हा अपघात झाला. अपघातात साजन जहागू पाडवी, रा.अलीविहीर, किरण नुरजी वळवी, बहादुरसिंग किमाजी पावरा रा.देवमोगरा पुनर्वसन हे जखमी झाले. याबाबत पोलीस नाईक किशोर वळवी यांनी फिर्याद दिल्याने अक्कलकुवा पोलीस ठाण्यात गुन्हा दाखल करण्यात आला आहे. तपास फौजदार महाजन करीत आहे.