शासकीय कार्यालयासमोर उपोषणे, मोर्चे, धरणे आंदोलन, आदी बाबींना प्रतिबंध राहणार आहे. दोन किंवा तीन व्यक्तींनाच निवेदन देता येणार आहे. सार्वजनिक समारंभास ज्येष्ठ नागरिक, तसेच ज्यांना मधुमेह, रक्तदाब व इतर आजार असलेल्या, गरोदर माता, दहा वर्षांखालील मुलांना प्रवेश देऊ नये, समारंभाला येणाऱ्या लोकांची यादी प्रशासनाकडे सादर करावी, त्यामध्ये मोबाईल क्रमांक व पत्ता नमूद करावा, या सर्व सूचनांचे पालन करणे बंधनकारक करण्यात आले आहे. कोरोनाचा प्रादुर्भाव रोखण्यासाठी नागरिकांनी सहकार्य करावे, अन्यथा दंडात्मक कार्यवाही करण्यात येईल, असा इशाराही जिल्हाधिकारी डॉ. विपीन इटनकर यांनी ७ मार्च रोजी काढलेल्या आदेशात दिला आहे.
चौकट------------
संयुक्त पथकांची स्थापना
महापालिका हद्दीत महापालिका व पोलीस विभागाने संयुक्त पथके स्थापन करावीत, नगरपालिका व पोलिसांची तर गावपातळीवर ग्रामपंचायत व पोलिसांची संयुक्त पथके कार्यान्वित करण्याचे आदेश दिले आहेत. वाहनचालकांना मास्क बंधनकारक करण्यात आला आहे. विना मास्क आढळल्यास ५०० रुपये दंड व वाहन जप्त करण्यात येईल. सार्वजनिक ठिकाणीही मास्क न वापरणाऱ्या पहिल्या कारवाईत ५००, तर दुसऱ्यांदा पुन्हा आढळल्यास ५०० रुपये दंडासह फौजदारी स्वरूपाची कारवाई करण्यात येईल. दुकानामध्ये कोरोना नियमावलीचे पालन न केल्यास पहिल्यावेळी पाच हजार, दुसऱ्यांदा पाच दिवसांसाठी दुकान सील व पाच हजार रुपये दंड आणि तिसऱ्यांदा नियमांचा भंग केल्यास दुकान, आस्थापना सील करून परवाना कायमचा रद्द करण्यात येईल.