अर्धापूर - शहरातील तामसा कॉर्नर येथील बसवेश्वर चौक या ठिकाणी तबला,पेटीसह, लाऊडस्पीकर घेऊन
देशभक्ती गीत हिंदी,मराठी, चित्रपटातील गीते कँशियो च्या साहाय्याने मधुर स्वरात गायनष करणारे एक कुटुंब अनेकांच्या नजरेत पडले. त्यांच्या गायनाचे सूर कानावर पडल्यावर रस्त्यावरून ये-जा करणारी मंडळी आकर्षित होत असून येथील गिते एैकण्यासाठी शेकडो रसिक जमा झाले आणि त्यांच्या गायनाने खूष होऊन त्यांना अनेक चाहत्यांकडून आर्थिक मदतही मिळाली.
आपल्या कुटुंबाचा गाडा हकण्या साठी हे कुटुंब तबला, कँशियो,लाऊडस्पीकरचा आधार घेत ग्रामीण भागातील जनतेला आवडेल असे आवडी नुसार गाणे गात कुटुंबाची व पोटाची खळगी भरण्यासाठी हे कुटुंबीय गायनाच्या माध्यमातून लोकांचे मनोरंजन हेच त्यांच्या कुटुंबियांचे जीवन झाले आहे. एक पुरूष,एक महिला,दोन छोट्या मुली असे त्यांचे कुटुंबीय रस्त्यावर बसून पोटाची खळगी भरण्यासाठी देशभक्ती गिते, भक्ती,पोवाडे आदी गीते गातात. त्यांचा गायनाच्या माध्यमातून या कुटुंबाचा उदरनिर्वाह सुरू आहे.एकच राजा शिवनेरी किल्ल्यावर,मेरा कर्मा तु एका पेक्षा एक सरस हिंदी मराठी चित्रपटाची गीते ऐकून नागरिक मंत्रमुग्ध होत असे. या कुटुंबीयांच्या सुरेल आवाजाने भारावून अनेक श्रोते त्यांचे कौतुक करत आर्थिक मदत करत होते. श्रोत्यां कडून मिळणाऱ्या मदतीतुन त्यांच्या कुटुंबीयांचा उदरनिर्वाह चालतो.दररोज वेगवेगळ्या ठिकाणी कार्य क्रम घेत आपला जीवनाचा गाडा चालवतात अशी माहिती कलाकाराने दिली.