नागपूर : एखाद्या तथाकथित महिलेच्या नावावर विविध प्लॅटफॉर्म्सवर 'मेक मी प्रेग्नंट' किंवा 'मेक मी कम्पॅनिअन' अशा पद्धतीच्या जाहिराती टाकत सायबर गुन्हेगार ऑनलाइन फसवणुकीचे रॅकेट चालवत आहेत. 'विकी डोनर' बनण्याच्या नादात या जाळ्यात विशेषतः तरुण व आंबटशौकिन फसत असून, बदनामी होण्याच्या भीतीपोटी अनेक जण तक्रार द्यायलादेखील समोर येत नसल्याचे वास्तव आहे.
पुण्यात एका मोठ्या कंत्राटदारासोबत घडलेल्या ऑनलाइन फसवणुकीनंतर या रॅकेटची सायबर विश्वात चर्चा सुरू झाली. संबंधित कंत्राटदाराने ऑनलाइन जाहिरातींच्या माध्यमातून एका तथाकथित महिलेची 'मेक मी प्रेग्नंट' अशा पद्धतीची जाहिरात पाहिली होती. त्याने उत्सुकतेपोटी त्या संबंधित लिंकवर क्लिक केले व दिलेल्या क्रमांकावर संपर्क साधला. त्यानंतर त्याच्याशी तथाकथित महिलेने चॅटिंग सुरू केली. त्यानंतर व्हिडीओ कॉल सुरू झाले व मी एकटी पडली असून, मला मूल हवे आहे. मात्र, त्यासाठी तुझी मदत लागेल व तुझे शुक्राणू लागतील अशी तिने विनंती केली. तिच्या जाळ्यात अडकलेल्या कंत्राटदाराने तिच्यावर विश्वास ठेवला. त्याने प्रयोगशाळेसाठी शुक्राणू देण्याची तयारी दाखविली. मात्र, महिलेने त्याला 'इमोशनल' जाळ्यात ओढले. तिने अगोदर मेडिकल चाचणी, मग गोपनीयता करार, पडताळणी शुल्क, प्रक्रिया शुल्क इत्यादीच्या नावाखाली त्याच्याकडून पैसे उकळण्यास सुरुवात केली. बाळ झाल्यावर सर्व पैसे परत करेन, असे तिने त्याला सांगितले होते. कंत्राटदाराने महिलेने सांगितलेल्या खात्यांमध्ये ११ लाख रुपये पाठविले. मात्र, नंतर महिलेने संपर्क तोडला. कंत्राटदाराने चौकशी केली असता, अशी प्रयोगशाळा अस्तित्वातच नव्हती. आपली फसवणूक झाल्याचे लक्षात आले पण उशीर झाला होता. अशी अनेक प्रकरणे राज्यात घडली आहेत.
Web Summary : Cybercriminals are running online scams promising companionship or pregnancy, targeting vulnerable men. A Pune contractor lost ₹11 lakhs after being lured into a fake sperm donation scheme. Victims are often too ashamed to report the crime.
Web Summary : साइबर अपराधी साथी या गर्भावस्था का वादा करके ऑनलाइन घोटाला चला रहे हैं, जो कमजोर पुरुषों को निशाना बना रहे हैं। पुणे के एक ठेकेदार को नकली शुक्राणु दान योजना में फंसने के बाद ₹11 लाख का नुकसान हुआ। पीड़ित अक्सर अपराध की रिपोर्ट करने में बहुत शर्मिंदा होते हैं।