डॉक्टर व्हावंसं वाटायचं, नाही झालो ते बरंच झालं; उद्धव ठाकरेंचं 'होमिओपॅथी कनेक्शन'

By ऑनलाइन लोकमत | Published: July 25, 2020 09:31 AM2020-07-25T09:31:31+5:302020-07-25T09:51:27+5:30

Uddhav Thackeray Interview With Sanjay Raut : कोरोनाच्या संकटात मुख्यमंत्री वेळोवेळी जनतेशी संवाद साधत आहेत. त्यांच्या बोलण्यातून डॉक्टरी, वैद्यकीय ज्ञान दिसत आहे. हे ज्ञान आलं कुठून या प्रश्नाचं उत्तर मुख्यमंत्र्यांनी मुलाखतीत दिलं आहे.

Uddhav Thackeray Interview homeopathy connection CoronaVirus in Maharashtra | डॉक्टर व्हावंसं वाटायचं, नाही झालो ते बरंच झालं; उद्धव ठाकरेंचं 'होमिओपॅथी कनेक्शन' — डॉक्टर व्हावंसं वाटायचं, नाही झालो ते बरंच झालं; उद्धव ठाकरेंचं 'होमिओपॅथी कनेक्शन'

मुंबई - महाराष्ट्राचे मुख्यमंत्री उद्धव ठाकरे यांनी शिवसेनेचे मुखपत्र असलेल्या 'सामना'ला मुलाखत दिली आहे. मुख्यमंत्र्यांनी कोरोना युद्धाची सविस्तर माहिती ही जनतेसमोर मांडली आहे. कोरोनाचे संकट हे जागतिक संकट आहे. तिसरे महायुद्ध समजा. संपूर्ण जग विषाणूशी लढत आहे. गाफील राहून चालणार नाही. लोकांचे प्राण वाचवणे हेच महत्त्वाचे आहे असं मुख्यमंत्र्यांनी म्हटलं आहे. कोरोनाच्या संकटात मुख्यमंत्री वेळोवेळी जनतेशी संवाद साधत आहेत. त्यांच्या बोलण्यातून डॉक्टरी, वैद्यकीय ज्ञान दिसत आहे. हे ज्ञान आलं कुठून या प्रश्नाचं उत्तर मुख्यमंत्र्यांनी मुलाखतीत दिलं आहे. (Uddhav Thackeray Interview With Sanjay Raut)

'वैद्यकीय शास्त्र हा अगदी लहानपणापासूनच कुतूहलाचा आणि अभ्यासाचा विषय राहीलेला आहे. डॉक्टर व्हावंसं वाटायचं, नाही झालो ते बरंच झालं" असं म्हणत उद्धव ठाकरेंनी 'होमिओपॅथी कनेक्शन' सांगितलं आहे. "लहाणपणी एक प्रश्न लहान मुलांना नेहमी विचारला जायचा की मोठा झाल्यावर तू कोण होणार? त्यावेळेला मुलं आपापली इच्छा व्यक्त करायची. अर्थात प्रत्येक जण त्याकाळी दिलेल्या उत्तराप्रमाणे घडलाच असेल किंवा घडला नसेलही पण माझ्यासाठी म्हणाल तर वैद्यकीय शास्त्र हा अगदी लहानपणापासूनच कुतूहलाचा आणि अभ्यासाचा विषय राहीलेला आहे. अगदी त्या काळात माझ्या मनात एक शक्यता अशीही डोकावत होती की, डॉक्टर व्हावं. अर्थात नाही झालो ते बरंच झालं. हो पण डॉक्टर व्हावं म्हणून तसा प्रयत्नही मी कधी केला नाही. पण मी मधल्या काळात होमिओपॅथीचा अभ्यास मात्र जरूर करत होतो" असं मुख्यमंत्र्यांनी सांगितलं आहे.

coronavirus: लॉकडाऊन उठवा म्हणणारे लोकांच्या जीविताची जबाबदारी घेणार आहेत का? उद्धव ठाकरेंचा सवाल https://t.co/tnFyme9wWU
— Lokmat (@MiLOKMAT) July 25, 2020

"आमच्याकडे औषधांचा एक बॉक्स असायचा. त्यात आता जे खूप वापरलं जातं ते आर्सेनिक आल्बम वगैरे अनेक औषध असायची. कोणाला बरं नाही असं वाटलं तर घरच्या घरी उपचार केले जायचे. तेव्हा होमिओपॅथीचे डॉक्टर्सही आमच्याकडे यायचे. अ‍ॅलोपथी हा विषय त्यावेळी खूप दूर होता. तो काळ एकूणच वेगळा होता. आतासारखे सगळे उपद्वापी व्हायरस नव्हते. त्या काळात असे त्रासदायक व्हायरस नव्हते. एक छान चांगलं आयुष्य होतं. त्या काळात मी होमिओपॅथीचा अभ्यास करत होतो. कळत नकळत ती जी आवड होती ती आजही थोडीफार जिवंत आहे" असं उद्धव ठाकरे यांनी म्हटलं आहे.

"कोरोनाचे संकट हे जागतिक संकट आहे. तिसरे महायुद्ध समजा. संपूर्ण जग विषाणूशी लढत आहे. गाफील राहून चालणार नाही."https://t.co/xmDasNV0oZ #coronainamaharashtra #UddhavThackeray #sanjayraut #ShivSena
— Lokmat (@MiLOKMAT) July 25, 2020

शिवसेना नेते संजय राऊत यांनी मुख्यमंत्री उद्धव ठाकरेंची मुलाखत घेतली, या मुलाखतीचा पहिला भाग आज प्रसिद्ध करण्यात आला आहे. कोरोनासोबत जगायचं म्हणजे नेमकं काय करायचं? हे खुद्द मुख्यमंत्र्यांनीच समजावलं आहे. "सार्वजनिक ठिकाणी गर्दी करत नाही, तोंडावर मास्क लावून फिरता. तोंडाला हात लावत नाही. हात सतत धुताय. तोपर्यंत काळजीचं कारण नाही. हे कोरोनासोबतचं जगणं आहे" असं मुख्यमंत्र्यांनी म्हटलं आहे. तसेच संपूर्ण यंत्रणा हे कोरोनाचं युद्ध लढतेय. मला काम करायचंय आणि जनतेला वाचवायचंय असं देखील उद्धव ठाकरे यांनी म्हटलं.