जीवघेण्या चौपाटय़ा!

बीच सेफ्टी साहित्य खरेदीला जुन्या दराने कंत्रटदाराने दिलेला नकार, अशा अनेक कारणांमुळे मुंबईतील समुद्रकिना:यांच्या सुरक्षिततेचा प्रश्न पुन्हा ऐरणीवर आला आहे.

मनोहर कुंभेजकर - मुंबई

बीच सेफ्टी साहित्य खरेदीत पालिका प्रशासनाने गेली दोन वर्षे केलेली चालढकल आणि डॉलरच्या किमतीत या काळात 45 रुपयांहून 60 रुपये झालेली वाढ; त्यामुळे बीच सेफ्टी साहित्य खरेदीला जुन्या दराने कंत्रटदाराने दिलेला नकार, अशा अनेक कारणांमुळे मुंबईतील समुद्रकिना:यांच्या सुरक्षिततेचा प्रश्न पुन्हा ऐरणीवर आला आहे. परिणामी येथील चौपाटय़ा दिवसेंदिवस जीवघेण्या बनत चालल्या आहेत.

मुंबईच्या गिरगाव, दादर, जुहू, वर्सोवा, आक्सा, गोराई या मुंबईतील प्रमुख चौपाटय़ांवर पालिकेचे कायमस्वरूपी 11 आणि कंत्रटी 28 जीवरक्षक, हंगामी 6 जीवरक्षक असे एकूण 45 जीवरक्षक आहेत. मात्र पालिकेकडे बेसिक लाइफ सपोर्ट, लाइफ ज्ॉकेट, ट्रॉली, ऑक्सिजन सिलिंडर, टेहळणी मनोरा आणि दुर्बीण, दोरी, रेस्क्यू टय़ूब, स्पीड बोट, स्ट्रेचर, अॅम्ब्युलन्स, जेट स्क्री, हँड सायरन ही साधने उपलब्धच नाहीत. त्यात मुंबईतील आक्सा, वर्सोवा, गोराई, जुहू, दादर, गिरगाव या मुंबईतील सहा प्रमुख चौपाटय़ांपैकी आक्सा चौपाटी जीवघेणी आहे. 1999 ते 2012 सालादरम्यान या चौपाटीवर 74 तरुणांचा बुडून मृत्यू झाला आहे. शिवाय नुकतेच येथील दाणापाणी चौपाटीवर बुडून कांदिवलीतल्या मुस्तकीम शेख (17) या तरुणाचा मृत्यू झाला होता. परंतु तरीही मुंबई शहर आणि उपनगरातील समुद्रकिना:याच्या स्वछतेसाठी वर्षाला आठ कोटींचे कंत्रट देणारी महापालिका शहरातील चौपाटय़ांकडे मात्र दुर्लक्ष करत आहे.

 

चौपाटय़ांवर कायमस्वरूपी जीवरक्षक ठेवले जात नाहीत आणि जीवरक्षक साधने उपलब्ध करून देण्याबाबतही हलगर्जीपणा केला जातो, असे द सी गार्डियन लाइफ गार्डचे प्रमुख मार्गदर्शक सुनील कनोजिया यांनी सांगितले.

महापालिका धड जीवरक्षकही नेमत नाही आणि यासंदर्भातील सुविधाही पुरवत नाही, असे आक्सा बीचवर गेली 16 वर्षे आणि जुहू बीचवर त्याआधी 20 वर्षे अशी एकूण 36 वर्षे कार्यरत असणारे व मागील 1 नोव्हेंबर रोजी सेवानिवृत्त झालेले जीवरक्षक रजनीकांत माशेलकर यांनी सांगितले.

 

12 जून 2क्क्क् रोजी येथे मालाड (पूर्व) येथील आक्सा बीचवर फुटबॉल शोधण्यासाठी मानवी साखळी करून समुद्रात उतरलेल्या 12 मुलांचा बुडून मृत्यू झाला होता.