‘एक्स्प्रेस-वे’वर ८ वाहने धडकली

मुंबई-पुणे द्रुतगती महामार्गावरील खंडाळा बोगद्याजवळ ८ ते १० वाहने एकमेकांवर आदळली. रविवारी सायंकाळी झालेल्या या विचित्र अपघातामध्ये सुदैवाने

लोणावळा : मुंबई-पुणे द्रुतगती महामार्गावरील खंडाळा बोगद्याजवळ ८ ते १० वाहने एकमेकांवर आदळली. रविवारी सायंकाळी झालेल्या या विचित्र अपघातामध्ये सुदैवाने कोणीही जखमी झाले नाही. मात्र या अपघातामुळे मुंबईकडे जाणाऱ्या मार्गावर वाहनांच्या लांबच लांब रांगा लागल्या होत्या. लोणावळा व खंडाळा परिसरात रविवार दुपारपासून जोरदार पाऊस सुरू होता. सायंकाळी ६च्या सुमारास खंडाळा बोगद्याजवळ एका चालकाने आपल्या गाडीचा वेग कमी केल्याने मागून आलेल्या सुमारे ८ ते १० गाड्या एकमेकांवर आदळल्या.