Latest Marathi News

पिंपरी : शहरात अनधिकृत केबल आणि इंटरनेट केबलचे जीवघेणे जाळे पसरले असून, प्रशासकीय दुर्लक्षामुळे आता निष्पापांचे बळी जाऊ लागले आहेत. सेक्टर २६ परिसरात दुर्दैवी मृत्यू झाला आहे. ‘डेथ ट्रॅप’ला जबाबदार असणाऱ्यांवर कठोर कारवाई कधी होणार?, असा प्रश्न आमदार अमित गोरखे यांनी केला आहे.पिंपरी-चिंचवड शहरात अनधिकृत केबल आणि इंटरनेट केबलचे जीवघेणे जाळे पसरले असून, प्रशासकीय दुर्लक्षामुळे आता निष्पापांचे बळी जाऊ लागले आहेत. सोमवारी वाय-फाय केबल गळ्यात अडकून संपदा पटवर्धन यांचा मृत्यू झाला.याबाबत पालिका आयुक्त आणि संबंधित विभागाला गोरखे यांनी पत्र दिले आहे. याबाबत आमदार अमित गोरखे म्हणाले, पटवर्धन यांचा झालेला मृत्यू ही निव्वळ दुर्घटना नसून प्रशासकीय अनास्था आणि संबंधित कंपन्यांचा निष्काळजीपणा यामुळे झालेली ‘हत्या’ आहे. प्रबोधन सोसायटीमधील पटवर्धन या ज्ञानप्रबोधिनी शाळेतून घरी परतत होत्या. शीतछाया परिसरात रस्त्यावर लोंबकळणाऱ्या केबलमुळे मृत्यू झाला. ४-५ फूट उंचीवर मृत्यूचे सापळे सोडून देणाऱ्या संबंधित इंटरनेट, वाय-फाय सेवा पुरवठादार कंपन्यांवर तत्काळ कारवाई करावी. आर्थिक मदत द्यावीमृत व्यक्तीच्या कुटुंबास आर्थिक मदत द्यावी. तसेच संपूर्ण शहरातील, विशेषतः अंतर्गत रस्त्यांवरील लोंबकळणाऱ्या आणि धोकादायक केबल्स २४ तासांच्या आत हटवण्यात याव्यात. ज्या कंपनीची ती केबल होती, त्या कंपनीचा परवाना रद्द करून त्यांच्यावर फौजदारी गुन्हा दाखल करावा. पावसाळा तोंडावर असताना अंतर्गत रस्त्यांची दुरवस्था आणि बेदरकार वाहनचालकांमुळे होणारे अपघात रोखण्यासाठी तातडीने आवश्यक तिथे दर्जेदार स्पीड ब्रेकर बसवावेत, अशीही मागणी केली आहे.

Maharashtra Lok Sabha Election Result 2024 : राज्यभर वेगळे वातावरण तयार झाले. टीव्हीच्या पडद्यावर फक्त शरद पवार दिसू लागले. ...