Latest Marathi News

चिपळूण : विधानसभा निवडणुकीची धामधूम सुरु आहे. ही निवडणूक संपूर्ण राज्यात उद्या (दि. १५) एकाच वेळी होत आहे. निवडणूक कामासाठी शिक्षकांनाही नेमण्यात आले असल्याने पुढील वर्षी फेब्रुवारी - मार्चमध्ये होणाऱ्या बारावीच्या परीक्षेसाठी अर्ज भरण्याच्या प्रक्रियेला २१ आॅक्टोबरपर्यंत मुदतवाढ देण्यात आली आहे.महाराष्ट्र राज्य माध्यमिक व उच्च माध्यमिक शिक्षण मंडळाने हा निर्णय घेतला आहे. ज्युनिअर कॉलेजमधील अनेक शिक्षक व शिक्षकेतर कर्मचाऱ्यांना निवडणूक काम देण्यात आले आहे. त्यामुळे अर्ज भरण्याची मुदत ८ दिवसांनी वाढविण्याची मागणी महाराष्ट्र राज्य ज्युनिअर कॉलेज शिक्षक संघटनेचे अनिल देशमुख आदींसह विविध मुख्याध्यापक, शिक्षक व विद्यार्थी संघटनांनी केली होती. निवडणूक काळात शिक्षक कामकाजात सहभागी असल्याने याबाबतची मागणी लक्षात घेऊन माध्यमिक, उच्च माध्यमिक शिक्षण मंडळाने बारावीच्या परीक्षेसाठी अर्ज भरण्याच्या प्रक्रियेला मुदतवाढ देण्याचा निर्णय घेतला आहे.सचिव कृष्णकांत पाटील यांनी हा निर्णय घेतला असल्याची माहिती उपलब्ध झाली आहे. या निर्णयामुळे शेकडो विद्यार्थ्यांचे विलंब शुल्क वाचणार आहे. शिक्षण मंडळाने मागणीची दखल घेत बारावी परीक्षेसाठीचे अर्ज दाखल करण्याची मुदत तत्काळ वाढवल्याने विद्यार्थ्यांसह पालकवर्गातून समाधान व्यक्त करण्यात येत आहे. (वार्ताहर)

आमिर खानचा मुलगा जुनैद खान त्याचा आगामी चित्रपट 'लव्हयापा' मुळे चर्चेत आहे. ...

नवीन वर्षाच्या पहिल्याच दिवशी केलं प्रपोज, लग्नाच्या तयारीला सुरुवात ...

सेवाशुल्कचा निर्णय मार्गी लागला तर बाजार समितीचे उत्पन्न वाढण्यास मदत होणार आहे ...