Latest Marathi News

पुणे : देशभरात गाजत असलेल्या नीट प्रश्नपत्रिका फुटी प्रकरणातील पुणे कनेक्शन समोर आल्यानंतर तपासादरम्यान महिला मनीषा वाघमारे, धनंजय लोखंडे आणि विद्यार्थ्यामध्ये काही आर्थिक व्यवहार झाले होते का, याचा तपास सीबीआयकडून सुरू आहे. केंद्रीय अन्वेषण विभागाने (सीबीआय) चौकशीनंतर वाघमारे आणि शेषराव सोळंकी याला सोडून दिले असले, तरी गरज पडल्यास त्यांना पुन्हा चौकशीसाठी बोलावण्यात येणार असल्याची माहिती सुत्रांनी दिली. सध्या नीट पेपर फुटीच्या प्रकरणामुळे शिक्षण क्षेत्रात खळबळ उडाली आहे.पालक आणि विद्यार्थ्यांमध्ये चिंतेचे वातावरण आहे. नीट पेपर फुटीप्रकरणात सीबीआयने अहिल्यानगर जिल्ह्यातील राहुरी येथून धनंजय लोखंडे (वय २६) याला ताब्यात घेतल्यानंतर त्याच्या संपर्कातील पुणे कनेक्शन उघड झाले होते. त्यानुसार बिबवेवाडीतील ब्युटी पार्लर चालविणारी महिला मनीषा वाघमारे आणि अभियांत्रिकी शाखेत शिक्षण घेणाऱ्या शेषराव सोळंकी या विद्यार्थ्याला पुणे पोलिसांनी बुधवारी ताब्यात घेतले होते. त्यानंतर दोघांनाही सीबीआयच्या हवाली करण्यात आले होते. तपासादरम्यान लोखंडे, वाघमारे आणि विद्यार्थ्यांमध्ये काही आर्थिक व्यवहार झाले होते का, याचा तपास सीबीआयकडून सुरू आहे.संबंधितांच्या मोबाइल फोनमधील माहिती, बँक व्यवहार आणि संदेशांची तपासणी करण्यात येत आहे. दरम्यान, वाघमारेच्या बँक खात्यात नीट परीक्षेच्या कालावधीत काही आर्थिक व्यवहार झाल्याचे आधीच्या तपासात समोर आले होते. तसेच, काही संदेश मोबाइलमधून हटविण्यात आल्याचेही तपासात निष्पन्न झाले आहे. त्यामुळे या प्रकरणातील आर्थिक साखळी आणि विद्यार्थ्यांपर्यंत पोहोचणारे नेटवर्क उघड करण्यासाठी सीबीआयकडून सखोल तपास सुरू आहे.

गेल्या वर्षी १२ ऑक्टोबरला वांद्रे येथील खेरवाडी परिसरात सिद्दिकी यांची तीन जणांनी गोळ्या झाडून हत्या केली. ...

कंपनीने विकलेले सोने खरे की खोटे? असाही सवाल विचारला जात आहे ...

कंदाहार अपहरणातील आयसी-८१४ चे कॅप्टन देवी शरण निवृत्त ...

एमआयडीसी ठाण्यात गुन्हा दाखल... ...

Canada Justin Truedau : जस्टिन ट्रूडोंनी भारतावर आरोप केल्यामुळे दोन्ही देशांमधील संबंध बिघडले आहेत. ...

त्रासाला कंटाळून महिला पाेलिसाची तक्रार, पीडितेने तक्रारीत केले गंभीर आराेप ...

रिझर्व्ह बँक ऑफ इंडियाने सोने खरेदीत रेकॉर्डब्रेक कामगिरी केली आहे. ...

लग्नानंतर काही महिने सुरळीत चालले होते. सर्व माझी काळजी घेत होते परंतु वेळेसोबत परिस्थिती बदलली ...