कोल्हापूर : सुखकर्ता दुखहर्ता गणपती बाप्पांचा उत्सव माझासोबत साजरा करत कोल्हापूरकरांनी या सणाचा आनंद द्विगुणित केला. वर्षातून एकदा येणाऱ्या या लाडक्या देवाची आरती, आरास आणि उत्सवाचा जल्लोष कुटुंबीयांसोबत करताना सेलिब्रिटींची भेट, वेगवेगळे गेम शो आणि बक्षिसांची लयलूट करत लोकमतच्या वतीने आयोजित या स्पर्धेत हजारो नागरिकांनी सहभागी होत उत्सवाच्या आठवणी आपल्या मनात साठवल्या.
वर्षभराच्या प्रतीक्षेनंतर येणाऱ्या गणेशोत्सवाच्या निमित्ताने लोकमतच्या वतीने माझा उत्सव या उपक्रमाचे आयोजन करण्यात आले होते. याअंतर्गत नागरिकांनी गणपती बाप्पांच्या आरासाची तयारी करण्यापासून ते प्रतिष्ठापना, आरती, सजावट ते अगदी विसर्जनापर्यंत अशा सगळ्या क्षणांची छायाचित्रे काढायची होती. तसेच माझाच्या बॉटलसोबत कुटुंबाचे छायाचित्र काढायचे होते. स्पर्धेतील विजेत्यांना रोज स्मार्टफोन, टॅब्लेट, स्मार्ट वॉच, ब्ल्युटूथ स्पीकर अशी भरघोस बक्षिसे देण्यात आली. याशिवाय कोल्हापुरातील भागाभागात महिलांसाठी स्पाॅट गेम्स घेण्यात आले. अभिनेत्री जुई गडकरी यांनी स्पाॅट गेम्सना उपस्थित राहत महिलांचा उत्साह वाढवला. शहरातील साळुंखेनगर, माजगावकर कॉलनी, नाना पाटीलनगर, हरिओमनगर, आपटेनगर, स्वप्नगंध सोसायटी, जीवबानाना पार्क, शिरोली एमआयडीसी, कदमवाडी, कोल्हापूर मध्यवर्ती बसस्थानक परिसर, न्यू पॅलेस, शिवाजी पार्क, रंकाळा टॉवर, पाचगाव या भागांचा समावेश होता.
--
माझा उत्सव विजेते पुढीलप्रमाणे
सुप्रिया राऊत (तृतीय)(सांगली) उत्तेजनार्थ : उज्ज्वला घाटगे, भाग्यश्री इंगवले, माधुरी रानभरे (कराड), सारिका साळवी, सोनाली रजपूत, सुनीता पाटील (शिराळा) उज्ज्वला डोर्ले, वैदेही सावंत, ऋतिका इंगवले, ऋषिकेश साळोखे, चन्न्य जोशी, कविता मगदूम (जयसिंगपूर), तन्वी लोहार, भारती हांडे (कराड) शीतल कारंडे (सातारा), उदय पवार (सांगली), इंद्रायणी बांगर (इस्लामपूर), गीता रेंदाळे (इचलकरंजी), तारकेश्वरी साळवी, शाहीन बागवान (कराड), अंजली घाटगे, अंकुश कुलकर्णी, पद्मा पाठक, पद्मिनी माने, राधिका कोरे (सांगली) सागर सुतार (सांगली), सविता तापसे (सातारा), सीमा पडवळ, स्नेहा बारटक्के, उज्ज्वला चौगुले, वैष्णवी महाजन (कराड).
---
रोज १० बक्षिसे
या उपक्रमांतर्गत रोज १० याप्रमाणे १०० बक्षिसे काढण्यात आली, तर राज्य स्तरावर मोबाइल, टॅब, घड्याळ, ब्ल्यूटूथ स्पीकर अशी १५ बक्षिसे काढण्यात आली. या कार्यक्रमांना भरघोस प्रतिसाद देत राज्यभरातून १० हजारांवर एन्ट्री आल्या.
----
फोटो ओळ : गणेशोत्सवानिमित्त लोकमतच्या वतीने आयोजित माझा उत्सव या स्पर्धेंतर्गत कोल्हापुरात विविध भागांमध्ये महिलांसाठी स्पॉट गेम्स घेण्यात आले.
---
या स्पर्धेच्या वेळी अभिनेत्री जुई गडकरी यांनी उपस्थिती लावून महिलांचा उत्साह वाढवला.
---