सुनील पाटील
कसबा वाळवे : शेतीच्या आधुनिक तंत्रज्ञानाचा अभ्यास करताना परदेशी भूमीवर तिरंगा अभिमानाने फडकवण्याचा मान महाराष्ट्रातील शेतकऱ्यांना मिळाला. महाराष्ट्र शासनाच्या कृषी आयुक्तालय, पुणे यांच्या माध्यमातून परदेशी शेती अभ्यासासाठी गेलेल्या निवडक शेतकऱ्यांनी फिलिपाईन्समध्ये भारताचा ७७ वा प्रजासत्ताक दिन उत्साहात साजरा करत देशाचा मान उंचावला.
मलेशिया, व्हिएतनाम आणि फिलिपाईन्स या तीन देशांतील आधुनिक शेती पद्धती, कृषी तंत्रज्ञान आणि व्यवस्थापनाचा अभ्यास करण्यासाठी १२ दिवसांचा हा दौरा आयोजित करण्यात आला आहे. या दौऱ्यासाठी निवड झालेले १५ शेतकरी सध्या फिलिपाईन्स येथील प्रसिद्ध ‘लॉस बेनीओस’ विद्यापीठात वास्तव्यास असून तेथे कृषी तंत्रज्ञानाचे सखोल प्रशिक्षण घेत आहेत.
‘लॉस बेनीओस’ विद्यापीठाच्या आवारात तिरंगा ध्वज फडकावत शेतकऱ्यांनी प्रजासत्ताक दिन साजरा केला. परदेशात येऊन देशाचे प्रतिनिधित्व करण्याचा आणि प्रजासत्ताक दिन साजरा करण्याचा अनुभव अविस्मरणीय व अभिमानास्पद असल्याची भावना शेतकऱ्यांनी व्यक्त केली.
या अभ्यासदौऱ्याच्या आयोजनाबद्दल सर्व शेतकऱ्यांनी महाराष्ट्र सरकारचे तसेच कृषिमंत्र्यांचे आभार मानले. यावेळी कुलदीप खोत (कोल्हापूर), कृष्णराव देशट्टीवर, प्रफुल्ल पाटील, चंद्रकांत सूर्यवंशी, प्रणव नाडकर्णी, अविनाश येवले, तालुका कृषी अधिकारी अमोल शिंदे, टुरिस्ट गाईड मझर शेख यांच्यासह इतर शेतकरी उपस्थित होते.
Web Summary : Marathi farmers training in the Philippines celebrated Republic Day with patriotic fervor. They hoisted the Indian flag at Los Banos University, expressing pride in representing India abroad. The farmers thanked the Maharashtra government for the invaluable opportunity to study modern agricultural techniques.
Web Summary : फिलीपींस में प्रशिक्षण ले रहे मराठी किसानों ने देशभक्ति के साथ गणतंत्र दिवस मनाया। उन्होंने लॉस बनोस विश्वविद्यालय में भारतीय ध्वज फहराया और विदेश में भारत का प्रतिनिधित्व करने पर गर्व व्यक्त किया। किसानों ने आधुनिक कृषि तकनीकों का अध्ययन करने के लिए महाराष्ट्र सरकार को धन्यवाद दिया।