शिरोळ : शिरटी (ता. शिरोळ) येथे केजीएन ग्रुपच्या वतीने रमजान ईदच्या निमित्ताने ग्रामस्थांना मास्कचे वाटप करण्यात आले. या उपक्रमाचे ग्रामस्थातून कौतुक होत आहे. यामध्ये चाँद जिगजीनी, सूरज मुल्लाणी, आसिफ मुल्लाणी, जमीर देवताळे, मोहसीन मुल्लाणी यांचा सहभाग होता.
---------------------
घोसरवाडमध्ये कोरोना वीरांचा सत्कार
दत्तवाड : घोसरवाड (ता. शिरोळ) येथे गणेशवाडीचे माजी सरपंच आप्पासाहेब जमादार यांच्या चौथ्या पुण्यस्मरण दिनाचे औचित्य साधून कोरोना वीरांचा सत्कार करण्यात आला. सा. रे. पाटील फाउंडेशनचे उपाध्यक्ष धोंडिलाल चाऊस यांनी या कार्यक्रमाचे आयोजन केले होते. यावेळी मिलिंद देशपांडे, आकाश फडतारे, भूपाल मुगळे, संजय फडतारे, यासर चाऊस यांचा सत्कार करण्यात आला.
-------------------------
कोरोना नियमांचे पालन करा
शिरोळ : हेरवाड (ता. शिरोळ) येथे कोरोनाचा कहर सुरुच आहे. सध्या कडक लॉकडाऊन करण्यात आले असलेतरी कोरोनाची व्याप्ती वाढतच आहे. ग्रामीण भागात कोरोनाने शिरकाव केल्याने त्यातच मृत्यूचे प्रमाणही वाढत असल्याने ग्रामस्थांमध्ये भीतीचे वातावरण पसरले आहे. त्यामुळे ग्रामस्थांनी कोरोना नियमांचे पालन करावे, असे आवाहन ग्रामपंचायत प्रशासनाने केले आहे.